Dili, 23 marsu 2023-UNDP ho Autoridade Protesaun Civil (APC) fasilita formasaun ba Komandante Operasaun APC munisípiu, Diretór eskola no profesór sira hosi munisípiu 9 kona-ba oinsa halo prevensaun ba risku dezastre no tsunami, durante loron rua hahú hosi 23 to’o 24 Marsu 2023.
Prezidente Interinu APC, Superientendente Asistente Polísia, Nuno Romualdo Gomes hateten formasaun loron ruan atu eleva koñesimentu no prepradu atu halo prevensaun dezastre no tsunami iha futuru mai.
“Ohin oportunidade diak atu iha diskusaun hodi hasa’e koñesimentunida no hetan informasaun ruma ba ita bele sente katak prepradau, rezilinte atu bele responde karik akontese tsunami,” esplika Prezidente Interinu APC iha abertura ba formasaun tsunami iha hotel City8, Manleu.
Komandante Operasaun Nasionál APC esklarese TL tipu dezastre la’os tsunami de’it maibé iha tipu dezastre seluk hanesan inundasaun, rai maran, anin boot no rai halai, ne’ebé sempre akontese iha TL hodi implika ba dezenvolvimentu iha TL nian.
Iha fatin hanesan, Sekretáriu Exmbaixada Japaun iha Timor-Leste Daishin Sasaki hateten governu Japaun iha komitementu boot apoiu governu TL iha área protesaun sivíl ba redusaun risku dezastre.
“Japaun kontinua apoiu no hakarak servisu ho governu TL hodi jere didiak jestaun risku dezastre hodi bele mitiga no prepara TL atu hasoru risku dezastre naturais,” haktuir Reprezenta Embaixadór Japaun iha TL.
Enkuantu, Xefe Climate Change no Enviroment Unit-UNDP, Domingos Siga Maria liuhusi formasaun sai baze ba komandante operasaun APC munisipiu no profesór sir abele utiliza, bainhira halo planu hosi responde ba kauza sira hosi rai nakdoko no tsunami.
Formasaun fasilita hosi UNDP ho APC liuhusi Sentru Nasionál Operasaun no Sentru Formasaun ba Komandante Operasaun Nasionál APC munisípiu Dili, Vikeke, Likisa, Laútem, Ataúro, Bobonaro, Baukau, Manatuto no Kovalima.
Kobertura: Cipriano Mesquita & Adbin Belo