Diresaun nasionál Prevensaun Konflitu Komunitáriu

Diretór Diresaun Nasionál Prevensaun Konflitu Komunitáriu (DNPKK)

António Viegas

Diretór DNPKK, António Viegas koñesidu “Maudame” nu’udar juventude rezisténsia, ne’ebé moris iha loron, 16 Outubro 1969 iha Suku Kairui, Postu Administrativu Laleia, Munisípiu Manatuto, ho nivel akadémika lisensiatura iha lian Inglés iha Universidade Nasionál Timor-Lorosae (UNTL).

António Viegas hahú ninia kareira profesionál  ba dahuluk nuudar tradutór lian inglés United National Police (UNPOL) iha tinan 1999 too 2005 iha tempu UNAMET, UNTAET, UNMISET. Hafoin iha períodu 2005 too halao knaar nu’udar funsionáriu sivíl PNTL.

Iha 2011 too 2014 hetan konfiansa ezerse funsaun nu’udar Xefe Departamentu Peskiza no Avaliasaun, inklui Xefe Departamentu Prevensaun Konflitu iha tinan 2015.

Iha tinan 2016 too 2019 asumi knaar hanesan Xefe Departamentu Prevensaun Seguransa Rodaviária iha Diresaun Nasionál Seguransa Rodaviária (DNSR), Ministériu Interior.

Ho mudansa no konfiansa ne’ebé iha António Viegas kontinua kaer pozisaun ho kualidade nu’udar Diretór DNPKK hosi 2019 too agora.

Durante halao kna’ar nu’udar funsionáriu no assume kargu xéfia, Diretór António Viegas frekuenta ona formasaun intensivu no estudu komparativu kona-ba harii pás, mediasaun, prevensaun no rezolusaun konflitu iha nasaun sira hanesan Filipina, Japaun, Swédia, Indonésia, Cambodia, India no Malésia.