DILI, 08 Maiu 2023 – Autoridade Protesaun Sivil (APC) relata ema 2 mate no uma komunidade 31 hetan estragus tamba akontesementu dezastre naturais durante periodu 2 maio to’o 07 maio 2023.
“CNOPC-APC rejistu uma hamutuk Xefi familias 31 mak hetane stragus liu-liu iha Munisipiu Baucau (Mate 1), Munisipiu Covalima (Be’e sae 24), RAEOA (Anin sobu uma 1), Munisipiu Viqueque (Anin sobu uma 1, Be’e Sae 4, no Rai Halai 1, Mota lori ema 1),” informa Diretór Gabinete Relasaun Externa no Komunikasaun, Anacleto Caetano, M.AP ba jornalista sira iha konferénsia imprensa, Segunda (08/05/2023), iha salaun konferénsia APC Kaikoli, Dili.
Deskrisaun ba Akontesementu:
Municipiu Baucau, Postu Baguia Suku Larisula Aldeia Bubuha iha loron 02/05/2023 akontese mota bo’ot kauza husi udan bo’ot lori vitima nain 1 lakon vida ho naran Adoltino Magno Ximenes ho idade 17 anus.
Municipiu Covalima, Postu Zumalai:
– Suku Raimea, Aldeia Uma Klaran iha loron 27/04/2023 Akontese Inundasaun kauza husi Udan Bo’ot Estraga Komunidade nia uma 17.
– Suku Raimea, Aldeia Loron Uma iha loron 27/04/2023 Akontese Inundasaun kauza husi Udan Bo’ot Estraga Komunidade nia uma 7. (Dadus Husi Suku ne’e ekipa turno foin simu iha loron 03/05/2023)
Municipiu Viqueque:
Postu Watulari:
– Suku Macadiqui, Aldeia Coquilaco iha loron 27/04/2023 Akontese Inundasaun Cauza husi Udan Bo’ot Estraga Komunidade nia uma 3.
– Suku Babulo, Aldeia Roma Iha loron 25/04/2023 Akontese Rai Halai Cauza husi Udan Bo’ot estraga komonidade nia uma 1. (Dadus Husi Suku ne’e ekipa turno foin simu iha loron 03/05/2023).
– Suku Macadiqui, Aldeia Macadiqui Iha loron 02/05/2023 Akontese Inundasaun Kauza husi Udan Bo’ot Estraga comunidade nia uma 1.
Postu Viqueque Villa:
– Suku Bahalara-Uai, Aldeia Aidak, iha loron 03 / 05/ 2023 akontese anin boot no sobu komunidade nia uma 1 (Dadus husi Suku ida ne’e ekipa turnu foin simu iha loron 04/05/2023).
– Suku Uaimori, Aldeia Uatolesu, iha loron 07/05/2023 akontese udan bo’ot no mota Wetuku lori sidadaun ida ho idade 50 Anos.
RAEOA, Sub Rejiaun Oesilo
– Suku Bobometo, Aldeia Nianapo, iha loron 02 / 05 / 2023 akontese anin bo’ot no sobu komunidade nia uma 1. (Dadus husi suku ida ne’e ekipa turnu foin simu iha loron 04/05/2023).