Dili, 10 Maiu 2023 – Organizasaun Naun Governu (ONG) Japan Demining and Reconstruction Assistance Center (JDRAC) kontinua nia komitmentu hodi halao atividade iha Timor-Leste maski dadauk ne´e taka ona nia edifisiu iha Timor-Leste.
Vice Chairman JDRAC, Hiromichi Kawamata iha nia hasoru malu ho Prezidenti APC, Superintendente Polisia Ismael da Costa Babo, M.Sc informa katak JDRAC sei hein fundus foun hosi Governu Japaun hodi kontinua nia atividade iha Timor-Leste.
Durante ne´e JDRAC loke nia edifisiu hamutuk iha edifisiu Instituto Gestaã Equipamento (IGE) no fo ona formasaun ba staff tekniku IGE nian iha ekipamentu pezadus.
Iha hasoru malu Kawamata mos hetan akompanamentu hosi Executive Director JDRAC Seiji Nagao ho nia staff Shigeyuki Urano.
Hola prezensa iha inkontru ne´e mos Diretor GREC, Anacleto Caetano no Assesor Media APC, Evangelisto Gantry Santos Meilana ho Xefi Seksaun Relasaun Externa, Nelson Nunes.
Foto & Textu, Mateus GREC