Dili, 29 maiu 2023 – Prezidenti Juri ba konkursu publiku APC, Gustavo José Lopes halo audénsia ho kompaña fornesedór sira ne’ebé kompleta ona dokumentu hodi konkore ba item 4 tenderizasaun APC nian, Segunda (29/5/2023), iha Salaun inkontru APC, Kaikoli, Dili.
Item 4 ba tenderizasaun ne´e maka fornesementu materiál konstrusaun, fornesementu ekipamentus ba Bombeiros no Fornesementu Food Item.
Entertantu kompaña sira ne’e, hatama ona sira nia pakote tenderizaun ba fornesementu tuir dokumentus ne’ebé submete ona bazeia ba tenderizaun ne’ebé lao ona
kompaña ne’ebé maka submete ona dokumentu sira maka kompaña Jahar, Central Hardware, Vitoria, Lider, Haksolok HJM no Nelces Kompaña.
“Kompaña ne’ebé maka submete ona dokumentus ba tenderizasaun ba material konstrusaun ba Diresaun Nasionál Gestaun Risku ba Dezastre nian husi kompaña tolu (3) maka hanesan Kompaña Jahar, Centrál Hardware no Vitoria,” informa Prezidenti Juri ba tenderizasaun ne´e.
Ba Fornesementu ekipamentu, APC hetan ona kompana 6 ne’ebé sei konkore ba fornesementu ekipamentus informatika maka EURECA, MOIPA Unp, Hagoh, Obrigado Kompaña Elétricais, PIN , no Arjak.
Ba fornesementu Food ba Diresaun Nasionál Gestaun Risku no Dejastre maka kompaña husi Lider no fornesementu ekipamentus seguransa nian ba Diresaun Nasionál Bombeiros iha kompaña rua mama konkore maka Haksolok HJM no Nelces.
Foto & Textu, Edwin GREC