Dili, 08 Juñu 2023 – Autoridade Proteção Civíl (APC) entrega tan kareta operasionál ba Gabinete APC, Diresaun Nasional nomós Bombeiros husi Munisipiu 10 hodi fasilita iha servisu terenu.
Seremonia entrega kareta operasionál ne´e entrega deretamente hosi Sekretariu Estadu Protesaun Sivil, Sua Exelénsia Joaquim Gusmão Martins, Kinta (8/6/2023), iha Edifisiu APC Kaikoli, Dili.
Objetivu husi serimonia entrega karreta ne’e, atu utulijadór sira ne’ebé halo kna’ar iha servisu APC ne’ebé mensiona iha leten atu uza hodi hala’o servisu iha teritoriu laran tomak, bazeia ba asuntu servisu Autoridade Protesaun Sivíl nia ezisténsia iha estadu ida ne’e.
”Husu ba membru sira hotu ne’e husi nasionál to’o munisípiu atu uzus motorizadu/infantarias sira ne’ebé ohin entrega ona ne’e, tenki kuidadu ho responsabilidade didi’ak, nune’e bele uza to’o tempu naruk,” dehan Sekretariu Estadu Protesaun Sivil.
Rekonese nia mandatu sei remata iha fulan ne´e, nia apela nafatin ba ajentes no membrus APC hodi nafatin mantein servisu ne’ebé ho profesionalismu iha kna’ar ida ne’e hodi servi ba povu no estadu.
Deskrisaun ba distribuisaun transporte APC :
Diresaun Nasional ne´ebé simu kareta operasionál ho marka Toyota Pick Up Hi-Lux ne´e maka Segundu Komandante Operasionál Nasionál APC kareta 2, GREC 1, GPEA 1, GIAI 1, DNGRD 1, DNGR 1, DNPCC 1, DNB 1, DNSPPP 1, UEPC 1, APC Munisípiu Ermera 1, APC Munisípiu Covalima 1 no APC Munisipíu Dili 1.
Entertantu Kareta PSM ne´ebé entrega ba Bombeiros fó ba kada munisipiu 1 maka Munisipiu Lautém, Viqueque, Manatuto, Manufahi, Ainaro, Aileu, Ermera, Liquisa, Bobonaro (postu Batugede) no RAEOA.
Kareta Auto Carro ba Corpo Bombeiros Liquisa 1, Manatuto 1, Ermera 1, Postu Batu Gede 1.
Ikus kareta auto eskada fo ba Unidade Espesiál Autoridade Proteção Civil Timor-Leste.
Foto & Textu, Edwin GREC