Dili, 14 juñu 2023 – Hodi hatene no observa servisu International Organization for Migration (IOM) iha Timor-Leste ba apoia Autoridade Protesaun Sivil (APC), Bureau for Humanitarian Assistance (BHA) vizita edifisiu APC hodi hare deretamente ba apoia servisu refere, Kuarta (14/6/2023).
BHA Program Officer, Jessica Doxtater esplika prezensa sira nian iha Timor-Leste nian hodi hare IOM nia servisu ne’ebé durante halao nia aktividade no suporta Autoridade Protesaun Sivíl, liu-liu hare ba sistema DisasterAWARE husi Pacific Disaster Center (PDC).
“Ohin ami mai iha autoridade (APC) nia fatin atu hatene klean liutan oinsa mekanismu servisu liu husi komunikasaun ba iha asuntu dezastre iha territoriu laran tomak ba servisu lalais ba atendementu,” dehan Jessica.
Iha inkontru ne´ebe BHA halo ho APC mos tau importansia ba responde lais vitima dezastre naturais sira iha food item no non food item nian iha armazenamentu ba responde emerjensia nian.
Reprezenta Komandante Operasoens Nasional APC, Martinho Fatima nu´udar adjuntu ba suntu terreste agradese tebes ba prezensa BHA iha Timor-Leste ne´ebe durante ne´e sai doadores ba programa IOM iha asuntu dezastre no humanitaria nian.
Nune´e mos Adjuntu Aero, Mariano Ana Lopez, reforsa tan katak, APC iha sistema servisu ne’ebé integradu ho servisu iha liña ministérias hotu tuir tarefas servisu ne´ebe regula ona.
Delegasaun BHA nian ne´ebe partisipa iha ekontru ne´emaka Jessica Doxtater (BHA Program Officer), Janelle Walikonis (BHA Agreement Officer Representative), Aliona Avetisean (Mission Disaster Relief Officer), Inacio Fernandes Quintao (Project Management Specialist), Flavia da Silva (Project Management Specialist).
Entertantu APC nian ne´ebe tuir inkontru ne´e mos Adjuntu Maritima, Serafim da Costa, Diretor Gabinete Inspeksaun Auditoria Interna, Valdomiro Antonio Freitas Belo no Komandante Formasaun APC, Claudio da Silva.
Foto & Text: Ad-Bin Belo