Dili, 04 jullu 2023-Hafoin simu tomada de pose, Sua Eselensia Sekretariu Estadu Protesaun Sivil (SEPS), Domingos Mariano Reis halo vizita dahuluk iha edifisiu Autoridade Protesaun Sivil (APC), inklui gabinete no diresaun tutela sira.
Sua Eselensia Sekretariu Estadu Protesaun Sivil (SEPS), Domingos Mariano Reis hateten vizita dahuluk ho objetivu atu haree direita servisu no situasaun real APC nian.
“Objetivu vizita ida ne’e atu observa situasaun real iha APC no dezáfiu ne’ebe sira hasoru,” hateten Sekretariu Estadu.
Durante vizita, SEPS hateten nia parte apresia tebes ho esforsu no servisu Prezidente APC, ne’ebe iha jestaun di’ak hodi dezenvolve instituisaun APC.
Ba funsionáriu APC, Governante ne’e husu atu servisu ho ekipa sentidu estadu ba dezenvovimentu nasaun nian.
“Funsionariu sira tenke servisu ho ekipa, servisu ho fuan laran no tau fia ba malu ho sentidu estadu ida ne’e lori dezenvolvimentu ba povu no nasaun ida ne’e,” esplika SEPS.
Entretantu, iha vizita Sekretariu Estadu observa mos funsionamentu no sistema monitorizasaun sentru oprasaun nian alerta ba tsunami no rai nakdoko nian.
#CM#