Hafoin akontesimentu udan ho intensidade boot ba munispiu sira iha parte kosta sul nian hodi hamosu inudansaun, rai halai hodi estraga infrastutura bazika hanesan uma, eskola, estrada, ponte no komunidade barak sai vitima mak, ho Secretaria de Estado da Protecao Civil , Domingos Mariano Reis ho komitiva 7 to’o 9 Jullu 2023 halo obervasaun no vitiza dahuluk ba fatin akontesementu iha munispiu Kovalima, Bobonaro no Manufahi.
Iha Kovalima, SEPC halo vizita ba vitima dezastre iha aldeia olo olo, suku Zulo, posto Zumalai, parte Bobonaro iha suku Lour, enkuantu munisipiu Manufahi halo vizita ba aldeia Kolokau, suku Uma-Berloik posto Alas.
Entretantu, familia afeitadu dezastre naturais iha suku Zulo hamutuk 167, suku Lour vitima afeitadu hamutuk 22 no suku Uma Berloik familia afeitadu 103.
Daudaun familia afeitadu sira ona apoiu emerjensia husi Komando Autoridade Protesaun Sivil Munisipiu , CVTL, parseiro sira no autoridade lokál sira hosi munisipiu idak-idak nian.
Durante vizita, SEPC observa vitima sira nia uma, plantasaun, no rekursu sira seluk ne’ebe hetan estragus husi rai halai no akontesementu husi inundasaun.