Jakarta, 17 Jullu 2023 – Kementrian Luar Negri-Republik Indonesia (KEMLU-RI) fahe funsionáriu nain 10 husi pilar Socio Kultural Timor-Leste ba linas ministeriais no instituisaun Estadu 10 iha Jakarta-Indonesia hodi kontinua sira nia estájiu konesimentu ba servisu koordenasaun husi instituisaun sira ne’e iha nivel ASEAN nian durante fulan ida resin (14 jullu to’o 1 setembru 2023).
Objetivu husi destakamentu funsionariu sira ne’e atu kontinua hatene prosesu prosedural, funsaun, no tarefas servisu iha ministeriu no instituisaun sira hodi inteira liu tan no aprende liu tan sira nia koñesimentu ba iha koordenasaun, sinkronizasaun servisu iha nível ASEAN ninian.
“Reprezentante KEMLU husu, ba estajiáriu sira atu fókus no aprende teknikamente husi instituisaun save sira, hodi bele hetan buat ruma husi instituisaun hirak ne’e. No oinsa atu hatene ekuadramentu legais sira kona-bá ASEAN, realiza enkontru sira, ho ninia mekanizmu servisu sira, nune’e mós estratéjia atu lidera enkontru konferensia sira iha nivel ASEAN nian” dehan Crhistina Natalia Asistente KSBA-KEMLU.
Nia Hatutan : “ Maske TL nia nia estatutu agora dadauk sei sai nasaun observadór ba ASEAN maibé Indonézia iha komitmentu suporta maka’as TL sai membru permanente ba ASEAN aban bainrua ho planu bilateral ida maka liuhusi kapasitasaun rekursu umanu nomós sira seluk”
KEMLU-RI husu ba instituisaun sira wainhira iha kualker tempu kontinua ajuda estajiáriu sira tuir atividade reuniaun ASEAN nune’e estajiariu sira aprende liu tán ninia prosesu sira kona-bá ASEAN nian.