Dili, 18 jullu 2023-Prezidente Autoridade Protesaun Sivíl, Superientendente PNTL, Ismael da Costa Babo, simu Vizita husi kompañia Dreamer Dive Academy (DDA) ko’alia kona-ba kapasitasaun ba funsionáriu Autoridade Protesaun Sivíl (APC) liga ho nani no luku tasi ba buska salvamentu iha tasi laran.
Treinamentu nani tasi, luku tasi iha buska no salvamentu iha tasi laran ne’e importante tamba LEI N.º 12/2020 de 2 de dezembro LEI DA PROTESAUNSIVIL, Enkuadra iha Sistema Integrado Seguransa Nasional nian, protesaun sivil, nebe mai hodi komplementa, halao papel fundamental/importante iha prevensaun ho resposta ba situasaun asidente, katástrofe ka kalamidade nebé mai husi ita ema nia hahalok ka naturesa nian, haré husi nia gravidade determina oinsa ita halao asaun lalais hodi salva populasaun iha perigu nia laran ho fo fila fali situasaun normal moris nian nebé afeta husi situasaun desastre sira ne’e iha tempu badak nia laran.
Tuir prinsipius nebé hatur ona iha Lei Seguransa Nasional nian, diploma ida né sei hari kuadru jurídiku geral nebé presisa hodi regula atividade nebé atu halao hodi prevene hó responde ba situasaun sira ne’e hodi hari estruturas esekutivas nebe lós, operasionais, konsultivas hó kordenasaun hodi hala’o biar sei regula liu husi diplomas governo nian rasik.
Relevante tebes órgãos ho serviços nebé sei kompoen sistema ba sokorru hó protesaun sivil, nebé ita hakarak mós integradu nebé sei kofirma husi knar ka funsaun sira nebé fó ba sira iha planu seguransa interna nian, hó ba agentes protesaun sivil nian, biar atu hanesan kompetensia prinsipal ka kompetensia subsidiária artikulada ka hamutuk hó forsas defesa ho seguransa tuir lei haruka.
Partisipa iha diksusaun ne’e maka hanesan Sup. Asst. Polisia Nuno Romualdo Gomes, Adjunto Aero Mariano Ana Lopes, Vitorino Lopes no parte Dreamer Dive Academy.