+670 77879422 grec@apc.gov.tl

π–πŽπ‘πŠπ’π‡πŽπ π•π€π‹πˆπƒπ€π’π€π”π π’πŽπ 𝐁𝐀 π“π‘π€Μπ…πˆπŠπ” π”πŒπ€ππ” 𝐍𝐎 𝐕𝐁𝐉 πˆπ‡π€ π„πŒπ„π‘π‰π„Μππ’πˆπ€

by | Jul 27, 2023 | Notisia | 0 comments

Dili-27 Jullu 2023-IOM ho apoiu USAID realiza workshop validasaun Β Standar Operation Procedures (SOP) kona-bΓ‘ Trafficking in Person Emergencies and Gender Based Violence in Emergencies, ne’ebΓ© envolve APC, PNTL, F-FDTL no liΓ±a ministeriΓ‘l sira atu kontribui idea no sujestaun hodi dezenvolve SOP refere.

Prezidente APC, Superientendente PNTL, Ismael da Costa Babo konsidera ho validasaun ba Standar Operating Procedures (SOP) importante sai matadalan no isntrumentu estadu Timor-Leste nian hodi servisu iha situasaun emerjΓ©nsia liuliu ba trΓ‘fiku umanu no violΓ©nsia bazei ba jΓ©neru nian.

β€œIOM ho USAID apoiu hodi dezenvolve giaun SOP ba TL hodi bele servisu iha situasaun emerjΓ©nsia liuliu ba trΓ‘fiku umanu no violΓ©nsia bazeia ba jΓ©neru. SOP lubuk ida mak iha ona hodi kompleta mellora ita-nia servisu,” dehan Prezidente APC.

LiderΓ‘nsa MΓ‘simu APC afirma SOP bele mΓ³s kompleta servisu ba oin no sai madatalan nasionΓ‘l protesaun sivΓ­l iha Timor-Leste.

β€œSOP ida ne’e sai giaun no ita tenta lori ba Konsellu Ministru atu bele iha rezolusaun governu ida hodi sai matadalan nasionΓ‘l ba servisu emerjΓ©nsia iha protesaun sivil, PNTL no F-FDTL inklui liΓ±a ministerial sira no parseiru nasionΓ‘l sira atu komunga,” dehan Superientendente Babo.

Β Liga ho situasaun emerjΓ©nsia, Prezidente APC haktuir β€œEsperΓ©nsia iha 04 abril 2021 akontese siklona seroja Β iha ita nia territΓ³riu nasionΓ‘l no foin lalais mosu dezastre naturais liubΓ‘ ita-nia mekanizmu kordenasaun no atendementu Β liuliu ba ita nia alin feto, inan feto, ema ho defisiensia mak sai vulneravΓ©l liuliu tanba ne’e ho SOP bele mellora di’ak liu servisu ba oin.

Primeiru Prezidente APC hateten validasaun SOP ida ne’e sei esbosu hela, tanba husu ba partisipante hotu atu apoiu no kontribui ideas, sujestaun hodi bele mellora no komplete tan SOP mais adekuadu tuir realidade ambiente TL nian.

Iha fatin hanesan, Diretora Misaun USAID, Zema Semunegus hateten β€œIta hotu iha ida-idak nia papΓ©l atu kontribui no governu EUA liuhusi ninia eskritΓ³riu ba apoiu umanitΓ‘ria espera atu apoia hodi implementa Timor-Leste ninia esforsu ba atinje rezilΓ©nsia dezastre.

Β 

X