Dili, 14 agustu 2023 – Segunda Feira ne’e Autoridade Protesaun Sivil Realiza Worshop Preparasaun Planu Asaun Annual 2024 ne’ebe Preside husi S.E. Sekretáriu Estadu Proetsaun Sivíl, Domingos Mariano Reis hamutuk ho Presidente Autoridade Protesaun Sivíl, Superintendente Polísia, Ismael da Costa Babo, konvoka workshop ho kargus Estrutura Autoridade Protesaun Sivíl Nasionál to’o ba iha Munisípiu ho objetivu hodi trasa planu servisu annuál nian ba Autoridade Portesaun Sivíl tuir giaun ka Existénsia ne’ebé halao ho kna’ar mós iha IX Governu konstitusionál bazeandu ba orgánika ne’ebé iha.
Diskursu S.E. Sektráriu Estadu Protesaun Sivíl katak, “Objetivu ba iha workshop ne’e bazeia ba kada diresaun hotu-hotu atu tau nia planu iha orsamentu prioridade iha 2024 no karik Planu tau iha iha tinan 2024 maka laiha tau fali planu iha tinan 2025 ho 2026 nian.
S.E. SEPC hatutan kada diresaun husi Nasionaál to’o Munisípiu tenki iha planu ida ne’ebé bazeia ba diresaun ida-idak nia, hodi nune’e ho planu hirak ne’e, Hau bele ba deskute iha konsellu Ministru no Parlamentu Nasionál hodi hare bazeia ba prioridade saida maka governu ne’e atu tau ba iha planu orsamentu ba tinan 2024.
Iha fatin hanesan Presidente Autoridade Protesaun Sivíl, Superintendente Polísia, Ismael da Costa Babo afirma iha workshop ne’e, “Ita nia programa balun Ita ezekuta hela ho programa tolu (3) ne’ebé mai ho giaun orsamentu estadu ninian ho sup programa sanolu resin ida (11) no aktividades ruanolu resin tolu (23) ne’ebé Ita ezekuta hela.
Presidente Autoridade Protesaun Sivíl hatutan, workshop ne’e tamba iha oreintasaun S.E Sekretáiu Estadu nian maka, ohin Ita halo workshop ida ne’e atu identifika Ita nia problema ka dezafius saida maka Ita enfrenta iha baze hodi nune’e Ita bele tau hanoin hamutuk hodi propoint ba SEPC atu lori ba iha nain ulun sira para bele melhora Ita nia servisu ba 2024.
Apela Iha workshop ida ne’e presidente apela ba iha kada diresaun hotu sei aprejenta ida-idak nia progresaun servisu durante ne’e, atu nune’e Ita bele ezekuta iha mandatu SEPC nian iha tinan lima (5) no oinsa Ita bele halo kma’an no ezekuta desafius sira ne’e ho situasaun ida ne’eb’e razuavél tuir situasaun Timor-Leste nian, ho esperénsia foun ida no vontade foun ida, hodi nune’e bele lori Governu ida ne’e nia mandatu ba progresu ida tuir planu ne’ebé iha ona. #Ed