𝗔𝗣𝗖 𝗛𝗢 𝗖𝗙𝗘-𝗗𝗠 𝗛𝗔𝗪𝗔𝗜𝗜 𝗘𝗨𝗔 𝗜𝗛𝗔 𝗞𝗢𝗟𝗔𝗕𝗢𝗥𝗔𝗦𝗔𝗨𝗡 𝗙𝗢𝗥𝗧𝗘

Dili, 06 setembru 2023-Prezidente Autoridade Protesaun Sivíl (APC), Superintendente PNTL, Ismael da Costa Babo ho estutura sorumutu ho delegasaun hosi Center For Excellence In Management & Humanitarian Assistance (CFE-DM) liuhusi Dr. Alberto “Mo” Morales nuudar Branch Chief Applied Research & Information Sharing, ho Lilian Dang nuudar Research Analysta Contractor hosi Hawaii, Estadu Unidos Amerika (EUA).

Iha reuniaun ne’e, Prezidente APC Superintendente PNTL, Ismael da Costa Babo introdús servisu prinsipál APC no planu prioriedade APC nian, inklui objetivu no programa Governu nian ba APC.

Iha parte seluk, APC fó agradese no husu ba CFE-DM ho APC atu iha kolaborasaun forte hodi suporta APC iha establesimentu infrastruturas no kapasitasaun rekursu umanu liuliu ba Korpu Bombeiros no Unidade Espesiál APC ba área espesífiku iha áreo no marítima nian.

Hafoin konklui sorumutu, delegasaun CFE-DM observa direita sistema ba funsionamentu Sentru Operasaun APC nian utiliza ba monitoriza rai nakdoko, tsunami no dezastre naturais sira seluk.

Partisipa reuniaun, Komandante Operasaun Nasionál APC, Diretór GREK, Diretór GPEA, Diretór GIAI, Diretór Nasionál Bombeiros, Adjunto Operasaun Áero, Terrestre, Marítima no Asesór.