Díli, 12 setembru 2023-Autoridade Protesaun Sivíl liuhusi Diretór Gabinete Planeamentu Estratéjiku no Asesória, Gustavo José Lopes, ho Diretór Diresaun Nasionál Jestaun Rekursu, Virgílio dos Santos Soares akompana Sekretáriu Estadu Protesaun Sivíl, Domingos Mariano Reis partisipa iha sorumutu Jornada Orsamentu OJE 2024, ne’ebé ofisialmente loke hosi Primeiru Ministru, Kay Rala Xanana Gusmão.
Sorumutu Jornada Orsamentu OJE 2024 hala’o iha salaun Ministériu Finansa, Aitarak Laran ho tema “Kontinua Konsolida no Transforma Prestasaun Servisu liuhusi Hadi’a Sistema Jestaun no Estratéjia Investimentu.”
Primeiru Ministru, Kay Rala Xanana Gusmão iha ninia intervensaun husu ba instituisaun estadu sira atu gasta osan estadu ho kuidadu, tanba osan estadu ne’e, osan povu nian, labele gasta arbiru, no gasta osan tuir programa hodi atinje ba objetivu ho efisiénsia no efikásia.
Entretantu, partisipa iha sorumutu Jornada Orsamentu kompostu hosi Ministru, Vise Ministru no Sekretáriu Estadu IX Governu Konstitusionál, inklui Prezidente Autoridade Munisípiu, Diretór Jerál, Diretór Nasionál hosi lina ministeriál sira.
#Cipriano Mesquita