𝐁𝐎𝐌𝐁𝐄𝐈𝐑𝐎𝐒 𝐇𝐎 𝐔𝐄 𝟑𝟎 𝐇𝐄𝐓𝐀𝐍 𝐅𝐎𝐑𝐌𝐀𝐒𝐀𝐔𝐍 𝐍𝐀𝐍𝐈 𝐓𝐀𝐒𝐈 𝐁𝐔𝐒𝐊𝐀 𝐍𝐎 𝐒𝐀𝐋𝐕𝐀𝐌𝐄𝐍𝐓𝐔

Díli, 18 setembru 2023-Autoridade Protesaun Sivíl (APC) liuhusi Korpu Bombeiros, Unidade Espesiál (UE) no Sentru Formasaun hamutuk 30 hetan formasaun espesífiku iha teoria no prátika kona-ba nani tasi buska no salvamentu ba ema mout iha tasi, lagoa no mota.

Formasaun hala’o durante loron 5 hahú, 18 to’o 22 setembru 2023 iha salaun hotel Arbiru Beach Bebonok, ne’ebé fasilita hosi instrutór sira iha kompañia Dreamers Dive Academy International (DDAI) liuhusi apoiu Mercy Corps no KOICA iha Timor-Leste.

Komandante Operasaun Nasionál APC, Superintendente Asistente PNTL, Nuno Romualdo Gomes konsidera formasaun ida ne’e hanesan asaun preparasaun antes dezastre, hodi fó resposta emerjénsia hanesan salva no buka tuir ema sira sai vítima ba dezastre iha área tasi ka bee-lihun sira.

Segundu Lideransa APC fundamenta objetivu formasaun kontinua hasa’e kapasidade rekursu APC, aumente koñesimentu sai profesionál.

“𝘼𝙋𝘾 𝙝𝙚𝙩𝙖𝙣 𝙤𝙥𝙤𝙧𝙩𝙪𝙣𝙞𝙙𝙖𝙙𝙚 𝙙𝙞’𝙖𝙠 𝙗𝙖 𝙛𝙤𝙧𝙢𝙖𝙨𝙖𝙪𝙣 𝙗𝙪𝙠𝙖 𝙣𝙤 𝙨𝙖𝙡𝙫𝙖𝙢𝙚𝙣𝙩𝙪 𝙗𝙖 𝙨𝙚𝙜𝙪𝙣𝙙𝙖 𝙛𝙖𝙯𝙚, 𝙥𝙧𝙞𝙢𝙚𝙞𝙧𝙖 𝙛𝙖𝙯𝙚 𝙝𝙖𝙡𝙤 𝙞𝙝𝙖 𝙩𝙞𝙣𝙖𝙣 𝙠𝙤𝙩𝙪𝙠 𝙣𝙤 𝙠𝙤𝙣𝙩𝙞𝙣𝙪𝙖 𝙛𝙤𝙧𝙢𝙖𝙨𝙖𝙪𝙣 𝙞𝙙𝙖 𝙣𝙚’𝙚 𝙗𝙖 𝘽𝙤𝙢𝙗𝙚𝙞𝙧𝙤𝙨, 𝙐𝙣𝙞𝙙𝙖𝙙𝙚 𝙀𝙨𝙥𝙚𝙨𝙞𝙖́𝙡, 𝙎𝙚𝙣𝙩𝙧𝙪 𝙁𝙤𝙧𝙢𝙖𝙨𝙖𝙪𝙣 𝘼𝙋𝘾 𝙣𝙞𝙖𝙣 𝙝𝙤𝙙𝙞 𝙨𝙖𝙞 𝙥𝙧𝙤𝙛𝙚𝙨𝙞𝙤𝙣𝙖́𝙡,” 𝙚𝙨𝙥𝙡𝙞𝙠𝙖 𝙆𝙤𝙢𝙖𝙣𝙙𝙖𝙣𝙩𝙚 𝙉𝙪𝙣𝙤.

Nia haktuir “APC foin hari’i tinan ida resin, ita halo hela prosesu dezenvolvimentu ida ba rekursu sira, ema no formasaun, fasilidade, ekipamentu, espasu no buat seluk tan. Tanba ne’e, treinamentu sira hanesan programa prioriedade APC nian, atividade treinamentu saida de’it iha APC sai hanesan atividade rotina ho objetivu atu prodús servisu hosi ida-idak no grupu.”

Komandante akresenta liuhusi treinamnetu ida ne’e ba futuru koko atu kontinua halo simulasaun iha primeiru nivel situasaun alerta ba resposta emerjénsia sei uza rekursu APC nian, ezemplu simulasaun ró hetan dezastre iha tasi, oinsa buka hodi fó salva vítima sira. Hafoin kontinua halo simulasaun ba nivel resposta ka nível kontijénsia, ne’ebé enevolve liña ministeriál, ONG, setór privadu, ne’ebé define iha ida-idak nia tarefa.

Iha fatin hanesan, Country Director, Mercy Corps Timor-Leste Julies Keane, hateten Mercy Corps nia programa PREPARADU ne’ebé finansia hosi KOICA servisu daudaun atu hasa’e preparasaun ba resposta inundasaun no tsunami, nune’e mós kapasitasaun ba respondente dahuluk sira.

Direjente Mercy Corps konsidera ho formasaun buska no salvamentu lori susesu no preparasaun ba dezastre iha nivel komunidade.

“𝑳𝙞𝒖𝙝𝒖𝙨𝒊 𝒑𝙖𝒓𝙨𝒆𝙧𝒊𝙖 𝘼𝑷𝘾, 𝒂𝙢𝒊 𝒉𝙚𝒕𝙖𝒏 𝒔𝙪𝒔𝙚𝒔𝙪 𝙞𝒉𝙖 𝙛𝒐́ 𝒇𝙤𝒓𝙢𝒂𝙨𝒂𝙪𝒏 𝒔𝙖𝒍𝙫𝒂 𝒏𝙤 𝙗𝒖𝙨𝒌𝙖 𝙖𝒌𝙪𝒂́𝙩𝒊𝙠𝒖 𝒃𝙖 𝙚𝒎𝙖 𝙣𝒂’𝒊𝙣 30 𝒉𝙪𝒔𝙞 𝘽𝒐𝙢𝒃𝙚𝒊𝙧𝒐𝙨, 𝒌𝙤𝒏𝙫𝒐𝙠𝒂 𝑲𝙤𝒎𝙞𝒔𝙖𝒖𝙣 𝙅𝒆𝙨𝒕𝙖𝒖𝙣 𝘿𝒆𝙯𝒂𝙨𝒕𝙧𝒆 𝑺𝙪𝒌𝙪 𝙞𝒉𝙖 𝙨𝒖𝙠𝒖 𝒗𝙪𝒍𝙣𝒆𝙧𝒂́𝙫𝒆𝙡 15 𝒊𝙝𝒂 𝑫𝙞𝒍𝙞 𝙡𝒂𝙧𝒂𝙣 𝙝𝒐𝙙𝒊 𝒑𝙧𝒆𝙥𝒂𝙧𝒂 𝒔𝙞𝒓𝙖 𝙝𝒐 𝒌𝙤𝒏𝙚𝒔𝙞𝒎𝙚𝒏𝙩𝒖 𝒏𝙤 𝙞𝒏𝙨𝒕𝙧𝒖𝙢𝒆𝙣𝒕𝙪 𝙨𝒊𝙧𝒂 𝒏𝙚’𝙚𝒃𝙚́ 𝙨𝒊𝙧𝒂 𝒑𝙚𝒓𝙨𝒊𝙟𝒂 𝒂𝙩𝒖 𝒇𝙤𝒓𝙩𝒊𝙛𝒊𝙠𝒂 𝒑𝙧𝒆𝙥𝒂𝙧𝒂𝙨𝒂𝙪𝒏 𝒃𝙖 𝙙𝒆𝙯𝒂𝙨𝒕𝙧𝒆 𝒊𝙝𝒂 𝒏𝙞́𝒗𝙚𝒍 𝒌𝙤𝒎𝙪𝒏𝙞𝒅𝙖𝒅𝙚,” 𝙝𝒂𝙠𝒕𝙪𝒊𝙧 𝘾𝒐𝙪𝒏𝙩𝒓𝙮 𝘿𝒊𝙧𝒆𝙘𝒕𝙤𝒓.

Nia hatutan”Ami-nia servisu kona-ba rezilénsia klimátika no dezastre iha hidrográfika xavé sira iha Díli hatudu ona importánsia krítika reforsa kapasidade husi respondente primeiru sira, liuliu membru dedikadu sira hosi ekipa Bombeiros, iha buska no salvamentu akuátiku. Ita-nia objetivu koletivu mak atu salva moris no proteje povu Díli nia riku so’in iha kazu dezastre. Preparasaun antes sei fornese tempu no rekursu ne’ebé persija ba ekipa respondente dahuluk atu hatán ho efikásia no efisiente. Bainhira ita investe barak liu iha preparasaun, ikus mai vida barak mak sei hetan salvasaun.”

Country Director fundamenta ho treinamentu sei fó kbi’it ba Korpu Bombeiros atu hetan no hatudu tékniku esensiál sira kona-ba salvamentu no hametin liután kolaborasaun entre Bombeiros ho respondente dahuluk sira seluk. Mercy Corps kontinua envolve ho parte interesadu hotu-hotu iha kordenasaun intervensaun emerjénsia ne’ebé hala’o papel importante ida iha salvamentu vida no mitiga impaktu dezastre futuru mai ihaTL.

Entretantu, formasaun akumula Korpu Bombeiros munisípiu Díli 9, Korpu Bomeiros Nasionál 3, Sentru Formasaun, APC 3 no Unidade Espsiál APC nian 15, ne’ebé fasilita hosi instrutora Karte Barker hosi DDAI no instrutór timór oan sira.

 #Cipriano Mesquita#