DILI, 20 de Setembro de 2023– Autoridade Proteção Civil (APC), Liuhusi Komandu Operasaun Nasional, Superintendente Assistente Polísia Nuno Romualdo Gomes halo inkontru estrutura APC hodi fahe servisu ba komisaun preparative APC ba komemorasaun loron mundial dezastre nian iha Salaun enkontru APC Kaikoli kuarta Feira 20 Setembru 2023.
Objetivu enkontru ne’e atu koordena preparasaun sira ba komemorasaun loron mundial Redusaun risku Dezastre nian ne’ebé sei monu loron 13 Outobru tinan ida ne’e, ne’ebé sei komemora iha Munisípiu Manatutu.
“Inkontru internal ne’e oinsa halo preparasaun sira ba komemorasaun loron mundial Redusaun risku Dezastre nian ho estrutura APC tomak hodi diskute ideias, forma komisaun, tarefas servisu ba koordenasaun kada seksaun sira, sujestaun nomós tema ba komemorasaun loron mundial dezastre ne’e” dehan Komadante Operasionál Nasional APC Superintendente Asistantente Nuno Romualdo Gomes
Ema Segundu APC ne’e hatutan ba Komisaun preparativa APC ba komemorasaun loron importante dezastre ne’e atu halo preparasaun di’ak nune’e bele realiza eventu ida ne’e ho susesu
“ komemorasaun Loron Mundial Redusaun Risku Dezastre tinan ne’e, importante tebes, nune’e husu atu entidades hotu ne’ebé hola parte iha estrutura Koordenasaun serbisu bele mellora di’ak liután tamba eventu ne’e sei artisipa husi bainaka nasional no internasional nomós parseirus APC nian nune’e tenki hatudu rezultadu atendementu ne’ebé mak di’ak” Hatutan Komadante Opersional Nasional APC
Rezultado husi inkontru ne’e, deside hamutuk ona tema nasional ba komemorasaun loron mundial “Kontra Vulnerabilidade iha risku Dezastre hasoru Feto no labarik Resilénsia ba moris iha Timor-Leste”. Tema ne’e liga ho tema internasional nian ne’ebé ko’alia kona-bá “Luta kontra Desigualdade ba Futuru Resilénsia”.
Textu no Foto (Bety, Nato & Cipry GREC -APC)