Indonézia, 22 Setembru 2023 – Autoridade Protesaun Sívil Reprezenta husi Adjuntu Operasionál Aero, Mariano Ana Lopes Partisipa iha East Asia Regional NDC workshop (EARNW) Bali, 18 – 22 setembru 2023. Workshop ne’e Partisipa husi nasaun 11 no Fasilita husi Peritus husi CTBT (Comprehensive Nuclear-Test-Ban Treaty) hamutuk nain 5 no suporta husi BMKG Indonesia.
Objetivu husi sorumutuk ne’e atu hasa’e koñesimentu kona-bá Tratadu komprehensivu ba Bandu Teste nukleár (CTBT) no servisu Komisaun Preparatoria atu hametin liután kapasidade asinatura Estadu membru CTBT nian atu partisipa iha implementasaun rejime verifikasaun no avaliasaun oinsá partisipante sira uza dadus IMS ho produtu sira IDC nian.
Enkoraja Sentru Dadus Nasional sira iha rejiaun laran atu hala’o ezersísiu konjunta ida ba análiza dadus kona-ba forma való, radionuklide no kompara sira-nia rezultadu, promove troka esperiénsia no espesializasaun entre Sentru Dadus Nasionál ka NDC sira.
Liuhusi workshop ne’e mós CTBTO Autoridade Protesaun Sívil mos enkontru ho reprezentante sira kona-bá estabelesementu Sentru Dadus Nasionál ka NDC iha Timor-Leste nian liuhusi Autoridade Protesaun Sívil.