+670 77879422 grec@apc.gov.tl

𝐀𝐏𝐂 𝐀𝐏𝐑𝐄𝐙𝐄𝐍𝐓𝐀 ππ‘πŽπ†π‘π„π’π€π”π π’π„π‘π•πˆπ’π” πŸπŸŽπŸπŸ‘ π‡πŽ 𝐏𝐋𝐀𝐍𝐔 ππ‘πˆπŽπ‘πˆπ„πƒπ€πƒπ„ πŸπŸŽπŸπŸ’

by | Sep 26, 2023 | Notisia

Dili, 25 setembru 2023-Prezidente Autoridade Protesaun SivΓ­l (APC), Superintendente PNTL, Ismael da Costa Babo akompaΓ±a hosi estrutura tomak aprezenta progresaun servisu, ezekusaun orsamentu APC 2023 no planu prioriedade 2024 iha Γ‘mbitu sorumutu alargada β€œkona-ba Konsolida SetΓ³r Seguransa hodi Apoia Dezenvolvimentu NasionΓ‘l”, ne’ebΓ© organiza hosi MinistΓ©riu Interior durante loron 2 iha salaun CNE, Kolmera.

Reuniaun alargada foka ba asuntu importante desiminasaun programa kinkenal no orgΓ‘nika foun MinistΓ©riu Interior, entrega ka hand over Diresaun NasionΓ‘l Prevensaun Konflitu KomunitΓ‘riu (DNPKK) ho Diresaun NasionΓ‘l Seguransa no Protesaun PatrimΓ³niu PΓΊbliku (DNSPPP) hosi APC ba fali Ministru Interior, asuntu seluk aprezentasaun relatΓ³riu xave fulan jullu to’o setembru 2023, ezekusaun orsamentu kada entidade, ne’ebΓ© tutela iha MI ho SEPS no ikus liu kona-ba Indusaun kona-ba preparasaun orsamentu MI tinan 2024.

Partisipa iha sorumutu ne’e, Ministro Interior, Francisco Guterres, SekretΓ‘riu Estadu Protesaun SivΓ­l, Domingos Mariano Reis, Komandante JerΓ‘l PNTL, Segundo Komandante JerΓ‘l, Prezidente APC, Komandante PNTL MunisΓ­piu, DiretΓ³r JerΓ‘l, DiretΓ³r NasionΓ‘l, AsesΓ³r no funsionΓ‘riu sira MI ho SEPS.

Β 

Foto no Textu : Cipry (GREC-APC)

X