Dili, 06 Outubru 2023 – Prezidente Autoridade Proteção Civil (APC) Superintendente Polísia Ismael da Costa Babo, hamutuk ho Kordenadór Rezidénsia UN iha Timor-Leste, Alexandre Tilman no Enkaregada Programa FAO, Paula Lopez da Cruz, priense Programa ita nia Bainaka iha RTTL.EP iha Sexta-Feira semana kotuk, foin dadauk ne’e iha edefísiu Central RTTL-EP Kaikoli Dili.
Programa ita nia Bainaka ne’e orador sira koalia konaba Promove Partisipasaun Grupu Vulnerabilidade sira (Difisiente, Idozo feto no Labarik) Redusaun Risku Dezastre ba Resilénsia ba moris diak iha Timor-Leste no ko’alia kona-ba Mudansa Klimátika ba situasaun bailoron naruk ne’ebe oras ne’e dadaun Timor Leste hasoru.
Timor-Leste hanesan nasaun ne’ebé jeografikamente situa iha rejiaun Asia Pasifiku sei la ses husi risku no perigu natural oioin, ne’ebé sempre fó impaktu hodi halakon ema nia moris, meiu subsisténsia, infrastrutura krítika, nst. Tanba ne’e presiza atu dezamina informasaun rutina hodi hetan Kuñesimentu ne’ebé di’ak no kle’an ba ema hotu atu bele prevene no prepara-an ba hamenus risku dezastre.
Autoridade Protesaun Sivíl hare’e ba Salva ema nia vida, Salva Riku Soin no Salva Ambiente. Ho ida ne’e, APC nafatin sosializa nomós fó Informasaun nafatin ba Públiku oinsa atu hatene Papél APC nian iha Timor Leste.
Programa ita nia bainaka ne’e modera husi Alicia Benigna, organiza husi Autoridade Protesaun Sivíl servisu Hamutuk ho RTTL-Ep, UN no FAO
Foto & Textu: Negro (GREC-APC)