Viqueque, 11 Outobru 2023- Autoridade Proteção Civil (APC) Munisipiu Viqueque servisu hamutuk ho PNTL Eskuadra Viqueque Vila prende besi kotak medida hamutuk 50, besi ho medida 4×6 hamutuk 25 no medida 5×10 hamutuk 25 iha Suku uma uain kraik, Aldeia fatuhadan.
Entertantu besik kotak refere benefisiáriu ne’e simu tamba nia uma hetan estragus mak APC apoiu rekuperasaun uma nian ba nia maibé ikus mai benefisiáriu refere faan fila sasan ba ema seluk ho ida ne’e APC prende ka foti fila-fali sasan refere.
APC Munisípiu Viqueque prosesu benefisiáriu ba PNTL hodi loke investigasaun tamba Dekretu-Lei N.° 7/2021 De 22 de Junho katak APOIU PUBLIKU HOSI ESTADU BA VITIMAS ASIDENTES GRAVES GA KATÁSTROFES iha Artigu 9. Doasaun Material Konstrusaun Hodi Hadia ka hari’i fali Uma labele faan no labele troka ho sasan seluk se’e lahalo kontra sira ne’e.
LEI N.° 12/2020 de 2 de dezembro LEI DA PROTESAUNSIVIL iha Artigu 6.° Deveres gerais hó espesiais alineal.
- Populasaun hotu hó entidade sira seluk iha dever atu kolabora hodi hala o objetivus protesaun sivil nian, haré ba disposisaun preventiva sira iha lei hó regulamentu sira hó kumpri ordens, instrusoens ka orientasoens husi autoridades kompetentes ka agentes responsáveis ba seguransa nasional, hó mós defesa nasional, seguransa interna hó protesaun sivil.
- Funsionárius hó agentes Estadu nian hó pessoas koletivas direitu públiku nian (instituisoens estadu nian), hanesan mós membrus husi órgauns gestaun empresas públikas sira nian (estadu nian), iha dever espesial atu kolabora hó organismus protesaun sivil nian.
- Responsáveis sira ba administrasaun, diresaun ka xefia husi empresas privadu sira hó formasaunnebé nia kolaborasaun tanba lalaok nia serbisu nian nebé presisa iha lisensa sei iha mós dever espesial atu kolabora hó órgauns nó agentes protesaun sivil nian.
- La kumpri ka la halo tuir hó resiste ba ordens ka instrusoens nebé hasai husi entidades kompetentes, bainhira hala’o iha situasaun alerta, kontingensia ka kalamidade sei hetan sansaun tuir saida mak hatur iha lei penal hó pena sira ne’e bele hetan agrava iha 1/3 iha nia limite minimu hó máximu.
- Violasaun ba espesial nebé preve ona iha númerus 2 hó 3 bele hetan konforme nia kasu sira bele hetan responsabilidade kriminal hó disiplinar tuir lei haruka.
tamba ne’e Autoridade Protesaun Siv”il prosesu hotu ida faan ne’e no ida sosa tamba materiál konsntrusaun ne’e sira simu tamba sira nia uma hetan estragus husi dezastre naturál ho ida ne’e mak Estadu fó apoiu hodi hadia no hari fali uma la’os faan.
Fontes informasaun APC Munisípiu Viqueque.