Manatuto, 24 Outubro 2023 – Autoridade Proteção Civil organiza eukaristia agradesimentu ba selebrasaun Loron mundial Jestaun risku dezastre iha Munisípiu Manatuto, Postu Administrativa Vila, Suku Cribas.
Misa Agrasementu ne’e Selebrasaun Loron 13 Outobru nu’udar loron espesiál ba mundu tomak hodi komemora eventu internasional ba redusaun risku dezastre naturais. Dezastre naturais fo impaktu ba destruisaun boot kona-bá infrastrutura fíziku sira no seriu liu ba ema nia propriedade nomós moris populasaun nian.
Loron Internasional hanesan oportunidade ida hodi rekoñese progresu globál iha prevensaun no redusaun risku dezastre no lakon sira.
Selebrasaun eukaristia ne’e prijidi husi Pe. Bernardo Manuel Luis da Silva. Iha homilia Pe. Selebrante ne’e afirma katak akontesimentu dezastre sira ne’ebé mosu tamba ita ema ninia intervensaun.
Nailulik ne’e, husu ba povu sarani tomak, liliu sarani Munis’ipiu Manatuto atu hadomi natureza ho kontribui ba ita nia rai doben Timor-Leste.
Selebrasaun ba komemorasaun Loron Mundial ba Redusaun Risku Dezastre ne’e partisipa direitamente husi S.E. Sekretáriu Estadu Protesaun Sivil, Domingos Mariano Reis.
SEPC ne’e konfirma katak IX Governo Konstitusional, liuhusi SEPC (siglas Portuges) kontinua serbisu maka’as hodi fó apoiu ba vítima dezastre sira ne’ebé afeitadu husi dezastre ne’e rasik.
Hafoin missa, remata Sekretáriu Estadu Protesaun Sivil, padre selebrantes hamutuk ho sarani sira lori aifunan ba tau iha semitériu Watubatu Kribas.
Partisipa iha misa agradesimentu ne’e, SEPS, Komandante Operasaun Nasional Nuno Romualdo Gomes hamutuk ho dirasaun tomak Autoridade Protesaun Sivil nian.
Textu no foto: Edwin & Nato (GREC-APC)