Dili, 06 Novembru 2023- Autoridade Proteção Civíl (APC), liuhusi Porta-Voz APC atuál Diretór Gabinete Relasaun Externa no Komunikasaun (GREC), Anacleto Caetano relata dadus seminál ba risku dezastre naturais durante semana ikus Fulan Outubru to’o semana uluk Fulan Novembru nian. Atualizasaun dadus ne’e, hala’o iha sala konferénsia APC Kaikoli Dili, 06 Novembru 2023.
Tuir dadus ne’ebé rekolla husi CNOPC-APC no DNB, totál estragus husi data 23 Outubru to’o 06 Novembru 2023, rejistu totál xefi família hamutuk 83 hetan estragus, inklui (konflitu Sosiál 7, kanek 7 no mate 1). “Estragus husi 23-30 Novembru, liliuhusi Munisípiu sira hanesan; Munisípiu Aileu Ahi-han 1, Baucau Anin sobu uma 23 no konflitu sosiál 1, Bobonaro Ahi-han 1, Ermera Anin sobu uma 8, Ahi-han 2 no mate 1, Covalima Ahi-han uma 1, Lautém Ahi-han 3, Likisá Ahi-han 1, RAEOA Ahi-han 1 no Vikéké Ahi-han 5, haktuir Anacleto Caetano.
Porta-Voz APC ne’e hatutan liután, husi dia 31-06 Novembru APC rejistu xefi família 29 hetan estragus inklui (konflitu sosiál 6 no kanek 7), lilliu iha munisípiu sira hanesan;
- Munisípiu Ainaro, Postu Maubisse, Suku Maubisse, AldeiaTelituku, ahi-han uma 1
- Munisípiu Baucau, Postu Quelicai, Suku Afasa, Aldeia Wekobuti, akontese konflitu Sosial estaragus uma 11 no Suku Afasa, Aldeia Boralai, akontese Konflitu Sosial estaragus uma 4
- Munisípiu Bobonaro, Postu Bobonaro, Suku Lourba, Aldeia Lourba Leten, ahi-han uma 6, no Ema kanek 7.
- Munisípiu Dili, Postu Cristo Rei, Suku Hera, Aldeia Mota kiik, ahi-han uma 1; Postu Dom Aleixo, Suku Comoro, Aldeia 12 Outubru, ahi-han uma 1
- Munisípiu Liquiça, Postu Maubara, Suku Vatuvou, Aldeia Gariana, akontese anin estragu uma 1
- Munisípiu Manufahi, Postu Same, Suku Daisua, akontese ahi-han uma 2
- RAEOA, Sub Rejiaun Nitibe, Suku Lelaufe, Aldeia Mahata, ahi-han uma 1; Sub Pante Makasar, Suku Lalisuk, Aldeia Padiae, ahi-han uma 1.
Husi família afeitadu sira ne’ebé hetan estragus, “Autoridade Proteão Civíl, liuhusi Komando APC Munisipál serbisu hamutuk ho parseirus relevantes sira kontinua fornese ona asisténsia emerjénsia ba família afeitadu sira ho apoiu hanesan aihan no materiál sira konstrusaun nian (Food item and non-food item)”, haktuir Anacleto Caetano.
Nia hatutan tan apoiu ne’ebé APC halo ho tipu rua tuir volume estragus ne’e husi ne’ebá mak bele kategoria ba apoiu emerjénsia ka rekoperasaun ekonómiku hodi konstroe fali komunidade sira nia uma. Iha fatin hanesan, Porta-Voz APC ne’e mós alerta ba komunidade sira atu hadok-an husi fatin ne’ebé konsidera hanesan risku dezastre naturais tamba agora dadaun Timor-Leste hasoru hela situasaun bailoron naruk ka EL Nino.
Foto & Textu : Cipry no Nata (GREC-APC)