Dili, 20 Novembru 2023 – Prezidenti Autoridade Proteção Civíl (APC), Sup. Polísia Ismael da Costa Babo konvoka enkontru hó estrutura Autoridade Protesaun Sivíl kona-bá preparasaun semináriu Humanitarian Civil-Military Coordination for Asia and the Pacific iha salaun enkontru Autoridade Protesaun Sivíl, Caicoli, Dili.
Objetivu husi enkontru ko’alia liu kona-ba koordenasaun ba preparasaun no forma Komisaun Organizadora ba workshop 9th Seksaun Konsultasaun Grupu Rejionál (RCG) Humanitarian Civil-Military Coordination for Asia and the Pacific ne’e sei hala’o iha loron 4-6 Dezembru 2023.
Partisipa iha enkontru mak hanesan Comandante Operasionál Nasionál APC, Xefe Gabinete APC sira , Adjuntu Operasaun Terrestre, Maritíma no Aéro, Diretór Nasionál sira tutela iha APC, Unidade Espesiál APC, Sentru Formasaun APC, Asesór APC, Diretor sesante DNPCC ho DNGRD no responsável finansas APC.
Foto & Textu: Edwin (GREC-APC)