Dili, 20 Novembru 2023 – Prezidenti Autoridade Proteção Civil (APC), Superintendente PNTL, Ismael da Costa Babo akompaña husi Asesór international, Sr. Yoga Sofyar no Asesór Nasionál Sr. César António R.D.F Monteiro Soares, atende enkontru hó UN Officer for Desaster Risk Reduction, Sra. Chinatsu Endo, hanesan Management Officer, ba Regional Office for Asia and the Pacific iha Timor-Leste nian, iha edifísiu APC, Kaikoli.
Objetivu husi sorumutu ne’e, hodi ko’alia liu kona-bá apoiu ba Autoridade Protesaun Sivíl Timor-Leste iha área kapasitasaun, oinsa atu hasoru tipu dezastre sira. Apoiu ne’e tuir informasaun husi asesór Internasionál, Sr. Yoga Sofyar katak ajudus hirak ne’e sei apoiu husi nasaun Tailandia.
Entertantu Prezidenti Autoridade Protesaun Sivíl, Superintendente Polisía, Ismael da Costa Babo, husu agradese ba vizita ne’e, no Prezidenti Autoridade Protesaun Sivíl, husu atu nafatin iha lasu amizade ida ne’ebé di’ak, atu garante servisu husi parte rua, la’o hó di’ak to’o iha futuru oin mai.
Prezidenti APC mós hatutan “hare’e hamutuk planu prioriedade APC nian, ne’ebé iha posibilidade, UN Office for Disaster Risk Reduction (UNDRR) sei bele apoiu tuir nesesidade ne’ebé persiza duni”.
Durante reuniaun, Prezidenti APC habelár informasaun kona-bá misaun no vizaun ba kna’ar importante liga hó servisu Autoridade Protesaun Sivíl nian, inklui aprezenta planu prioriedade Autoridade Protesaun Sivíl ba futuru nian liuhusi parseiru UNDRR ida ne’e.
Foto & Textu: Jhon/Edwin (GREC-APC)