Manatuto, 20 Novembru 2023 – Autoridade Proteção Civil (APC) liuhusi Diresaun Nasionál Jestaun Risku no Dezastre (DNGRD) hamutuk ho Food and Agriculture Organization (FAO) United Nations hala’o workshop kona-bá Validasaun no Lansamentu Relatóriu Avaliasaun Vulnerabilidade, Risku-Perigu no Planu Risku Dezastre (AVRP-JRDBK) no elabora mós husi Komisaun Jestaun Dezastre Suku (KJDS) Segunda- Feira ne’e foin lalais ne’e.
Workshop refere ofisialmente abertura husi Diretór Diresaun Nasionál Jestaun Risku no Dezastre (DNGRD) Mario Lopes da Silva iha Edifisiu Cruz Vermelha Timor-Leste (CVTL) Munisípiu Manatuto.
Iha abertura Inspektór Polísia Komandante APC Munisipíu Manatuto, Tome da Costa hateten “ Workshop ida ne’e hanesan opurtunidade di’ak ida mai ami, liu-liu iha suku Uma Bocu, nune’e Diretores no Xefe Departamentus sira tenki partisipa iha workshop refere hodi implementa fali ba iha suku seluk liu-liu liga ba iha risku dezastre naturais”.
Segundu Komandante Munisipíu Manatutu Mateus da C. Teixera hateten” Risku Dezastre Naturasi policia iha papél importante tebes oinsá atu identifika no asegura bainhira dezastre naturasi mosu iha komunidade sira ne’ebé mak vulnerable liu ba iha dezastre naturais no laiha muniíipíu ida ou suku ida hatene liu ka espesáal liu kona-bá dezastre naturais”.
“Ita hatene dezastre naturais iha pontu rua mak ita tenki tau importante hanesan, klima tempu udan no bailoron naruk ohin loron ita implementa no hasoru hela bailoron naruk ami Polísia Nsional Timor-Leste ho Komando Munisipíu Manatuto servisu hamutuk sempre servisu hamutuk ho Autoridade Munisípíu no lok’al atu ita identifika komunidade sira ne’ebé mak afeta ba iha dezastre naturais liu-liu ba bailoron naruk” dehan Nia.
Iha sorin seluk Diretor Diretór Diresaun Nasional Jestaun Risku no Dezastre (DNGRD) Mario Lopes da Silva hateten, ita ko’alia kona-ba dezastre Munisípíu Manatutu sira hasoru bebeik tamba kobre husi tasi feto no tasi mane, no ita nia rai ita presiza no identifika nafatin fatin ne’ebé mak afeta ba risku dezastre.
“Ita presiza planu ida ho relatoriu ida sai hanesan planu nasional ida atu it abele hare’e ita presiza servisu hamutuk ami mesak labele liu-liu servisu hamutuk ho ajensia internasional no nasional sira hanesan, Cruz Vermelha Timor-Leste, FAO, Mercy Corps Care International ne’ebé hamri’ik iha Governu ida nia kotuk hodi fó nafatin forsa ba ita nia rai ida ne’e,”dehan Mario Lopes da Silva Diretór DNGRD.
Iha sorin seluk Xefe Suku Uma Bocu Feliciano Baptista mós hato’o “agradese ba iha parte hotu liu-liu ba iha loron ida ohin bele realiza workshop iha ami nia suku Uma Bocu, no ita bo’ot sira mós tenki iha Imput balun atu hadia no ami mós hato’o apresiasaun kona-bá programa ida ne’e hanesan parte ki’ik ida ne’ebé mak ita halo, no programa ne’ebé ohin ita hala’o hanesan apoiu ida mai ami nia suku maski seidauk máximu ami nafatin agradese no ami hein nafatin ita atu servisu hamutuk atu lori ita nia povu no ita nia rai ba oin liu-liu iha Suku Uma Bocu “.
Espesialista FAO Lourenço Cosme Xavier mós esplika kona-bá “workshop ida ne’e hanesan validasaun ba relatóriu ba planu ne’ebé mak prepara husi Komisaun Jestaun Dezastre Suku prepra iha suku Uma Bocu, no workshop ne’e sei kontinua ba iha Munisípiu sira seluk liga ba Relatóriu Avaliasaun Vulnerabilidade, Risku-Perigu no Planu Risku Dezastre (AVRP-JRDBK) sei iha futuru sei realiza mós ba iha suku sira seluk “.
Workshop refere hetan partisipasaun husi parte, Autoridade Munisipíu, Liña Ministerial, PNTL, Ajensia, Lideransa Komunitaria NGO nasional no lokal Munisipíu Manatuto nian hodi diskute no diskusaun hamutuk kona-bá relatóriu (AVRP-JRDBK).
Foto/Textu: Bethy (GREC-APC)