Dili, 22 Novembru 2023- Autoridade Proteçao Civil (APC) liuhusi asesor IT Bonifacio do Carmo ho ekipa hasoru malu ho Diretor Date Center TIC- IP, Rusmin Vicente de F. iha edisfisiu Autoridade Protesaun Sivíl Caikoli Dili Kuarta-Feira ne’e.
Objetivu husi enkontru ne’e deskuti kona-bá apoiu servisu informátika TIC Timor ho APC atu halo integrasaun husi server APC ba TIC Timor kona- ba sistema Hazard Vulnerability Risk Asssessment ( HVRA).
Iha enkontru ne’e IT APC husu nafatin ba TIC Timor atu servisu hamutuk ho di’ak ho hodi hare’e sistema no mapamentu liga ba iha risku dezastre sira iha Timor-Leste hodi nune’e bele identifika fatin risku sira liu husi sistema no mapamentu
Iha fatin hanesan IT APC husu ba TIC Timor atu halo zoom meeting mós ho parseiru internasionál sira ne’ebé mak hatene kona-bá sistema refere atu nune’e atu aumenta liu tan kuñesimentu ba iha servisu no mapamentu nomós liga ho internet.
Iha enkontru ne’e mós parte TIC halo vizita diretamente ba iha sala IT APC no laboratorium GIS, no mós hare’e ba konektividade internet iha sala Centru Operasaun ( CNOPC)
Foto no Textu: Bety (GREC)