Dili, 23 Novembru 2023 – Autoridade Proteção Civil (APC) ho Parseirus Humanitáriu Realiza Workshop Asaun Antisipatória (AA) Iha Timor-Leste Roteiru 2023-2028 ensera iha Tower Fatuhada Dili.
Iha enseramentu ne’e, Deometrio do Amaral lori FAO nia naran agradese ba partisipante sira hotu ninia kontribuisaun no dejezu liuhusi enkontru loron rua ne’e bele hetan konsultasaun rout Map asaun antesipada ninian no organizasaun sira hotu ne’ebé tau hamutuk hanoin iha eventu loron rua ne’e.
“Hakarak agradese ba partisipantes sira hotu konsultasaun rout Map asaun antesipada ninian ne’ebé horseik no ohin partisipa nune’e mos organizasaun sira hotu ne’ebé tau hamutuk hanoin bele realiza ita nia eventu loron rua ne’e, nune’e lori FAO nia naran hatoo agradesimentu wain teb-tebes ba ita bot sira hotu nia kontribuisaun no ita dejezu loron rua ne’e iha tempo badak ita sei bele estabelese duni grupo traballu ba asaun antesipada nian”, dehan Deometrio Amaral.
Iha fatin hanesan Adjuntu Marítima Serafin da costa reprejenta APC agradese mós ba entidades hotu ne’ebé partisipa iha Workshop Asaun Antisipatória durante loron rua ne’e. nia hatutan tan katak APC nafatin serbisu hamutuk ho ajénsia sira hotu ba responde dezastre ne’ebé akontese laos mesak maibe konta mos ho ajénsia humanitáriu sira hotu.
Rezultadu husi workshop ne’e mak sei estabelese grupo traballu alerta sedu ne’ebé sei tau matan Asaun Antisipatóriu sei fo solusaun di’ak liu ba problema ne’ebé Timor-Leste sei hasoru.
Foto no Textu: Cipry/Nato (GREC-APC)