Dili,05 Novembru 2023- Autoridade Protesaun Sivíl organiza kalan konfraternizasaun ba atividades kultural iha eventu ba dalasia sesaun husi grupu konsultativu rejionál kona-ba kooperasaun Militar Sivíl Umanitária ba Azia no Pasífiku no dansa kultura aprezenta husi Asosiasaun Grupu Wehali iha Timor Plaza Tersa-Feira ne’e.
Iha diskursus Ministru Interior, Francisco da Costa Guterres hateten, Ha’u hakarak aproveita momentu ida ne’e hodi apresia apoiu husi Gabinete Koordenasaun Asuntu Umanitária Nasoes Unidar (OCHA), Gabinete Rejional Ázia no Pasífiku, Sentru Exelensia iha Jestaun Dezastre EUA no Sentru Sivil Militar Australia nian hodi halo esforsu ida ne’e ho susesu.
Nia mós akresenta tan katak, Ha’u hakarak kongratula no agradese tebes ba Xefe Gabinete Rejionál Ázia no Pasífiku ne’ebé servisu hamutuk ho Autoridade Protesaun Sivíl nu’udar sekretariadu grupu konsultativu nian tamba organiza ona eventu ida ne’e, dehan Frascisco da Costa Guterres.
Iha fatin hanesan Autoridade Protesaun Sivíl mós tara tais kada delegasaun husi nasaun 15,no tara tais husi Ministru Interior Francisco da Costa Guterres no Sekretariu Estadu Protesaun Sivíl Domingos Mariano Reis.
Partisipa iha enkontru ne’e, Ministru Interior Francisco da Costa Guterres, Sekretáriu Estadu Protesaun Sivíl, Domingos Mariano Reis, Prezidente Autoridade Protesaun Sivíl, Sup.Policia Ismael da Costa Babo,Komandante Operasaun Nasional, Sup.Assistenti Policia Nunu Romualdo Gomes,Reprezentante MNEC no mós delegasaun nasaun 18.
Foto/Textu: Bety & Nato (GREC-APC)