DILI, 06 Dezembro 2023 – S.E. Sekretáriu Estadu Protesaun Sivíl, Domingos Mariano Reis, akompaña husi Prezidente Autoridade Protesaun Sivíl, Superintendenti Polisía Ismael da Costa Babo, Kuarta-Feira ne’e halo enseramentu ba Semináriu Grupu Konsultativu Rejionál Sivíl-Militar Koordenasaun Humanitáriu Ázia no Pasífiku nian. Atividade refere halao iha Suai Room Timor-Plaza Dili.
Iha diskursu, Domingos Mariano Reis agradese ba delegasaun prinsipál sira hotu ba iha Grupu Konsultativu Rejionál Sivíl-Militar Koordenasaun Humanitáriu Ázia no Pasífiku ne’ebé marka prezensa iha Semináriu ne’e.
SEPC ne’e Salienta liutan katak, semináriu ne’e importante tebes atu hasae koñesimentu no kooperasaun entre Ázia no Pasífiku “Nesesidade absoluta atu hasae koñesimentu resiprokál no kooperasaun entre nasaun sira iha Ázia no Pasífiku, liliu sira ne’ebé servisu iha ita nia rai. Dezafiu sira husi modernizasaun no esforsu prevensaun dezastre nian liuhusi hasae kapasidade koordenasaun”
Nia hatutan tan katak ita nia preparasaun nudar elementu esensál ida ba kresimentu koordenasaun umanitária Sivíl-Militar hodi fahe esperiénsia sira liuhusi diseminasaun foun sira nudar kondisaun importante liu atu ita lao ba oin.
Iha sorin seluk Sentru Exselénsia Jestaun Dezastre no Umanitária Estadus Unidus Amérika, José Martin senti impresionante tebes prejensa iha Timor Letse ne’e, liliu husi Semináriu RCG ne’e signifikativu tebes atu ita bele troka hanoin hamutuk ba ema barak nia diak.
“Tinan Oin, ita mós presiza halo ida-ne’e ho signifikativu. fahe informasaun, ha’u hakarak hateten katak iha ne’e tanba ida-ne’e util tebes ba ema barak.””. Dehan Reprezentante Estadus Unidus Amérika ba assuntu Dezsatre no humanitáriu, Josep Martin.
Tuir ajenda, depois de enseramentu husi SemináriU Grupu Konsultativu Rejionál Sivíl-Militar Koordenasaun Humanitáriu Ázia no Pasífiku ne’e, partisipantes husi delegasaun sira desloka hikas ba nasaun ida-idak ho aviaun Citilink ho QantasLink. Enkuantu delegasaun indonézia sei desloka iha loron 07 Dezembru 2023.
Partisipa iha enseramentu Refere, Sekretáriu Estadu Protesaun Sivíl, Prezidente Autoridade Protesaun Sivíl, Reprezentante MNEC, Parseirus Humanitáriu APC nian hamutuk ho delegasaun husi nasaun Ázia no Pasífiku nian.
Foto /Textu: Bety & Nato (GREC-APC)