Dili, 4 Dezembru 2023 _ Sekretáriu Estadu Protesaun Sivíl, Domingos Mariano Reis, akompaña husi Prezidente Autoridade Protesaun Sivíl, Superintendente Polisia Ismael da Costa Babo, Segunda-Feira ne’e, simu Ministro Dezastre Fiji nian, S.E. Sakiasi Ditoka no Delegasaun BNPB Sekretáriu Estadu Dezastre no Estratejia, Dr. Roditya Jati, iha Aeroporto Internasional Prezidente Nicolau Lobato, Comoro Dili.
Objetivu husi Lideransa rua ne’e nia prezenja, atu partisipa iha seminariu RCG sesaun da sia Humanitáriu Sivíl-Military Koordenasaun ba Ázia no Pasífiku. Ne’ebé organiza husi UN OCHA servisu hamutuk ho APC no MNEC.
Hafoin simu tiha Ministru Fiji no delegasaun daruak BNPB husi Indonezia nian, ekipa protokolu lori kedas ba fatin deskansa nian iha Ótel Timor-Plaza Dili.
Partisipa iha resepsaun ne’e, Sekretáriu Estadu Protesaun Sivíl, Prezidente Autoridade Protesaun Sivíl, Diretór Jeral MNEC assunto protokolo no Serimoniál, Diretór GPEA hamutuk ho ekipa protokolu APC nian.
Fontes Informasaun APC