Dili,03 Dezembru 2023- Autoridade Protesaun Sivíl Liuhusi ekipa Protokolu ne’ebe lidera husi Prezidente Komisaun Eventuál, Atuál Adjunto AERO Mariano Ana Lopes, simu delegasaun husi nasaun 15 iha Aereportu Internasionál Nicolau Lobato Comoro Dili, iha loron Domingo ne’e. Delegasaun sira ne’e, too iha Timor-Leste ho aviaun Air North, Citilink no Qantas.
Objetivu husi prejensa nasaun sira ne’e, atu hodi partisipa iha semináriu Rejionál ba dala sia Nível Ázia no Pasìfiku ho Tema: Humanitarian Civil-Military Coordination For Asia And The Pacific, ne’ebe sei realiza iha loron 4 to’o 5 Fulan Dezembru tinan 2023 iha Timor Plaza Dili.
Membru Delegasaun sira ne’e hamutuk nain 70, ne’ebé mai husi Nasaun Partisipantes sira hanesan: Srilanka, UK, Thailand, Índia, Filipina, Banglades, China, Maldives, Nepál, Australia, Singapura, Fiji, Cánada, Indonézia no Brunei. Tuir Observasaun aleinde delegasaun sira ne’e, iha mós delegasaun husi Amérika ho Espanha (Qatar).
Delegasaun ema nain 70 husi nasaun 15 ne’e, ekipa protokolu koloka ba iha Hotel Timor-Plaza, Beach Garden, Hotel Timor no Hotel Novu Turizmu.
Ekipa Protokulu ba simu delegasaun ne’e alende Autoridade Protesaun Sivíl hetan mós apoio husi protokolu Ministériu Negosiu Estranjeiru nian.
Foto/Textu : Bety & Nato (GREC-APC)