Dili, 10 Janeiru 2024-Prezidenti Autoridade Proteção Civíl (APC) Superiendente Polisia Ismael da Costa Babo relata dadus espesial ba jornalista sira liuhusi konferénsia da Imprensa relasiona ho akontesimentu udan ne’ebé maka ho intensidade maka’as iha loron 09 fulan Janeiru tinan 2024 iha Edifisiu APC Kaikoli Kuarta-Feira ne’e.
Prezidente APC Superiendente Polisia Ismael da Costa Babo ba Jornalista sira katak, lori Ministru Interior ho Sekretáriu Estadu Protesaun Sivíl no estrutura tmak APC nia fatin atu hato’o ba públiku relasiona ho akontesimentu konkorensia dezastre udan ne’ebé akontese durante oras rua nia laran afeta iha kapitál Dili no udan ne’e estende iha territoriu Timor laran tomak no relatoriu ne’ebé mai husi munisipíu kontroladu iha situasaun balun mak ita tau atensaun.
Prezidenti APC haktuir tan katak, iha kapital Dili ho intensidade udan ne’ebé maka’as kuaze oras ha’at nia laran liu-liu afeta iha kapital Dili liu-liu iha area ne’ebé risku ba inundasaun mak hanesan, Kaikoli, Maskarinhas, Kolmera, Golgota, Balide, Ai-Mutin, Fatuhada, Bekusi, Tasi tolu karantina, Bairu-Pite, Surikmas, no Metinaru.
“Munisipíu hotu-hotu ne’ebé informasaun tama iha sentru operasaun ita rejistu iha kapital Dili ita konsegue evakua ona ita nia sidadaun atus ida tolunulu resin rua (132) mai iha edifisiu Autoridade Protesaun Sivíl kompostu husi labarik ki’ik ho idade 0-16 hamutuk 76; inan fo susu 13, inan isin rua 6, difisiente físiku 2 inan feto sira ho idade 16-59 hamutuk 30, inan feto ho idade 60 hamutuk 5 ”, Dehan Ismael Babo.
Presidente APC subliña liu tan katak, asaun intervensaun ne’ebé Autoridade Protesaun Sivíl foti iha terrenu mak husi sentru operasoes fó instrusaun ba ita nia komando munisipíu APC ho estrututura tomak ne’ebé mak iha munisipíu hodi halo reasaun prátika posivél no rekopera ita nia sidadaun sir aba fatin ne’ebé seguru, no kordenasaun ho autoridade lokal no liñas ministeriais.
Númeru um APC ne’e hatutan “ fó asistensia ne’ebé ita fó dau-daun no ita kontinua halo verifikasaun ba sasan ruma hetan estragus no imediatamente ita fó emerjensia ba vítima sira. Ita nia populasaun sira ne’ebé ita evakua mai iha edifisiu APC ita koordena ho Ministeriu Saude no fó diretamente assistensia ba vítima sira, no APC fó diretamente mós assitensia hahan manas ba vítima sira espera situasaun kontroladu sira fila ba sira nia hela fatin ita fó apoiu emerjensia ba ita nia sidadaun sira.
Prezidente APC salient liu tan katak, óbstakulu ne’ebé ita enfrenta iha terenu tamba ho udan maka’as no akompaña ho be’e ne’ebé sa’e halo óbstakulu ba evakuasaun ba ita nia sidadaun sira ba asesibilidade ne’ebé mak engrafamentu bo’ot.
Prezidente APC Superiendente Poliçia Ismael da Costa Babo nafatin alerta ba públiku atu labele hela iha fatin ne’ebé risku ba dezastre. Prezidente APC ne’e mós kontinua informa ba públiku bainhira akontese udan ho intensidade maka’as liuhusi oras ida ba leten, buka meius atu hado’ok a’an husi hela fatin ba fatin ne’ebé seguru liu.
Konferensia imprensa ne’e akompaña husi, Komandante Operasaun Nasional APC, Superintedente Assistente Poliçia Nuno Romualdo Gomes, Diretór DNB, Paulo Anibal Maia, Diretór GREC, Cesario da Silva Marques.
Foto/Textu: Bety & Cipry (GREC-APC)