Dili, 18 Janeiru 2024 – Sua Exelénsia Sekretáriu Estadu Proteção Civil (SEPC), Domingos Mariano Reis akompaña husi Komandante Operasaun Nasional APC Superientendente Asistente Polísia Nuno Roumaldo Gomes, Diretór Gabinete Relasaun Externa no Komunikasaun (GREC), Cesario da Silva Marques simu delegasaun Estadus Unidos Amerika (EUA) liuhusi Interim Mission Director, United States Agency International Development (USAID) iha Timor–Leste, Mark Anthony White iha edifisiu APC Kaikoli Kinta-Feira ne’e.
Objetivu husi sorumutu ida ne’e atu haforsa kooperasaun entre SEPS -APC ho governu Amérika , liu-liu hare’e ba servisu protesaun sivil liga ba asuntu dezastre iha Timor-Leste.
Sekretáriu Estadu Protesaun Sivil, Domingos Mariano Reis hateten, pontu importante mak atu halo kolaborasaun entre embaixada Amérika ho Autoridade Protesaun Sivil Timor-Leste nian, atu hare’e ba futuru oinsá atu kapasita rekursu umanu intermu responde prepara no rekoperasaun ba vítima dezastre sira.
“Sira ho komitmentu bo’ot atu apoiu Timor-Leste bainhira deklara kalamidade dezastre katastrofes akontese iha territoriu Timor-Leste no sira komitmentu ho IOM atu bele apoiu APC hodi kapasita rekursus umanu liuhusi treinamentu no apoiu aihan bainhira hasoru dezastre”, haktuir SEPC.
Iha fatin hanesan reprezentante USAID Mark Anthony White hateten “governu amérika liuhusi USAID iha komitmentu bo’ot servisu hamutuk ho ministériu/ SEPC, liuhusi APC no kolabora di’ak liután ba prevensaun dezastre”.
Nia salienta liutan katak, USAID sei servisu hamutuk ho grupu teknikál sira entre embaixador USAID no ministériu relevante oinsa promove no kontinua servisu diak liutan programa ne’e iha futuru.
Foto & Textu : Bety/Nato/Cipri (GREC-APC)