Liquisa, 23 Janeiro 2024 – Autoridade Proteção Civil (APC) liuhusi Komando Autoridade Proteção Civil Município Liquisa ho Estrutura Kompostu husi Comandante Operasaun, Segundu ComandanteXefe Departamentu no Komandante Bombeiros hasoru malu hodi aprezenta Estrutura no koñesimentu papél APC nian ba atuál prezidenti Autoridade Munisipál Liquisa Paulino Ribeiro iha Nia Servisu fatin.
APC Enkuadra iha Sistema Integradu Seguransa Nasional nian, protesaun sivil, ne’ebé mai hodi komplementa, hodi hala’o papél fundamental nomós importante iha prevensaun ho resposta ba situasaun asidente, katástrofe ka kalamidade ne’ebé mai husi ita ema nia hahalok ka natureza nian, haré husi nia gravidade determina oinsa ita hala’o asaun lalais hodi salva populasaun iha perigu nia laran ho fo fila-fali situasaun normál moris nian ne’ebé afeta husi situasaun dezastre sira ne’e iha tempu badak nia laran.
Tuir prinsipius ne’ebé hatur ona iha Lei Seguransa Nasional nian, diploma ida ne’e sei hari kuadru jurídiku geral ne’ebé presiza hodi regula atividade ne’ebé atu hala’o hodi prevene hó responde ba situasaun sira ne’e hodi hari estruturas esekutivas ne’ebe lós, operasionais, konsultivas hó kordenasaun hodi hala’o maske sei regula liuhusi diplomas governu nian rasik.
Relevante tebes órgauns ho servisus ne’ebé sei kompoen sistema ba sokorru hó protesaun sivil, ne’ebé ita hakarak mós integradu nebé sei kofirma husi knar ka funsaun sira ne’ebé fó ba sira iha planu seguransa interna nian, hó ba ajentes protesaun sivíl nian, biar atu hanesan kompeténsia prinsipál ka kompetensia subsidiária artikulada ka hamutuk hó forsas defeza ho seguransa tuir lei haruka.
Media APC Liquisa