𝐄𝐒𝐓𝐑𝐔𝐓𝐔𝐑𝐀 𝐀𝐏𝐂 𝐀𝐓𝐔𝐀𝐋𝐈𝐙𝐀 𝐏𝐑𝐎𝐆𝐑𝐄𝐒𝐀𝐔𝐍 𝐇𝐎 𝐏𝐋𝐀𝐍𝐔 𝐀𝐓𝐈𝐕𝐈𝐃𝐀𝐃𝐄 𝟐𝟎𝟐𝟒

Dili, 29 Janéiru 2024- Prezidenti Autoridade Proteção Civil (APC), Superintendente PNTL, Ismael da Costa Babo hamutuk ho Komandante Operasaun Nasionál APC, Superintendente Asistente PNTL, Nuno Romualdo Gomes konvoka sorumutu ho diretór gabinete, diretór diresaun, xefe departamentu, xefe seksaun no pontu fokál finansas hodi atualiza progresaun servisu ho planu atividade 2024.

Prezidente APC Superintendente PNTL, Ismael da Costa Babo lidera reuniaun ne’e hateten “Ita-nia enkontru ida ne’e kada fulan hodi planea no update situasaun nomós progresaun servisu saida mak ita halo no saida mk ita atu rezolve.”

Durante sorumutu, parte diretór gabinete ho diretór diresaun aprezenta orsamentu ho planu atividade ida-idak nian, ne’ebé sei implementa iha primeiru trimestre to’o kuatru trimestre iha tinan 2024.

Iha biban ne’e, Diretór Nasionál Jestaun Rekursu, Virgílio dos Santos Soares aprezenta dekrétu lei nú. 05/2024, 18 janeiru kona-ba ezekusaun orsamentu jerál (OGE) 2024 sei la’o tuir ninia regras.

Alende sorumutu, Prezidente APC mós aprezenta Asesora Indonésia ida, ne’ebé finansia hosi IOM hodi fó apoiu APC iha área espsífika responde emerjénsia no preparasaun intgresaun ba ASEAN nian.

Textu/Foto: Cipry (GREC-APC)