Dili – 22 Fevereiru 2024-Prezidente Autoridade Protesaun Sivíl (APC), Superintendente Polisia Ismael da Costa Babo, apresia no sentidu kontente ho prejenza AHA Centre no ASEAN Secretariat iha Timor Leste. Nune’e, Nia husu ba funsionáriu APC atu dixiplina hodi aprende liutan koñesimentu husi AHA Centre no ASEAN Sekretariat. Ismael da Costa Babo hatoo lia hirak ne’e iha diskursu ba formasaun loron daruak kona-bá manajementu risku dezastre no koordenasaun Apoio Umanitaria nian ne’ebé halao iha Salau Enkontru APC Kaikoli Dili.
“Hau hakarak hato’o sentimentu de gratidaun ba AHA Centre no ASEAN Sekretariat nian, husi Jakarta vizita Mai Timor-Leste, ita hatene diak klima, kultura Timor-Leste nian, Timor-Leste parte ida husi ita nia familia durante tinan 24 nia laran ita hamutuk iha sistema ida nia okos”.
Prezidente APC ne’e, hatutan iha sistema nasaun ita diferente hanesan nasaun ida-idak, maibe iha sistema humanitaria, ita iha sistema ne’ebé hanesan iha misau ne’ebé hanesan.
“Uluk ita iha sisteme ida deit. Agora ita diferente ho ami nia sistema rasik. Maibe iha humanitaria ita iha sistema ne’bé hanesan, ita iha misaun ne’ebé hanesan atu proteje Vida, Rikusoin no oinsa konserva Ambiente”.
Antes husik hela fatin diskursu, Prezidente APC ne’e, nafatin enkoraja funsionáriu APC atu iha dixiplina durante formasaun no buka atu aprende didiak koñesimentu husi expertu sira AHA Centre no ASEAN Sekretariat.
Iha fatin hanesan Asistente Diretór Estratejia Planu Monitorizasaun no Parseiru, ALEEM SIDDIQ, hateten komitmentu AHA Centre nian mak atu suporta nasaun sira Membro ASEAN iha responde emerjénsia ba dezastre. Nune’e ALEMN SIDDIQ, iha esperansabot katak liu husi formasaun ne’e bele fasilita servisu diak liu iha futuru.
Materia ba formasaun ba loron daruak nian maka mandatu no funsaun prinsipál AHA Centre, Paisajem Risku Dezastre iha ASEAN, Mekanizmu Responda ba Dezastree, Programa Bandeira AHA Centre, Rekursu no produtu AHA Centre, Planu AHA Centre tinan 20221-2025, Atividade Xave tinan 2024, Kooperasaun ASEAN ba Planu Responde Dezastre (AJDRP), Standard Operasaun Prosedur (SOP) ba Rejionál stand by Aranjamentu no koordenasaun Asisténsia ba dezastre no Estrutura operasaun responde emerjénsia, ezersisiu responde ba emerjénsia, koordenasaun ho Nasaun Membru ba ASEAN iha Emerjénsia, inklui diskusaun hudi suporta Timor-Leste iha tinan 2024.
Depois de formasaun, ekipa fasilitador sira sei halo mos visit site ba iha Sentru Operasaun Nasional APC, Dirasaun Nasionál Bombeiru no Sentru Formasaun Komoro.
Natu Soares (GREC-APC)