Dili – 04 Marsu 2024-Autoridade Protesaun Sivíl , liuhusi Sentru Formasaun iha Segunda-Feira, ne’e organiza formasaun Ordem Unida ba ajentes Protesaun Sivíl nian mai husi diresaun hotu Autoridade Protesaun Sivíl nian.
Objetivu husi formasaun Ordem Unida ne’e, mak atu iha postura fíziku ne’ebé forte, Fleksível no iha espíritu unidade, dixiplina nune’e bele fo prioridade ba interesse servisu liu fali interesse pesoál/ individuál no ho modu indireitu harmonis sentimentu responsabilidade.
Formasaun ne’e rasik ho durasaun durante loron lima, hahu husi, 04 – 08 Marsu 2024, ho Materia prinsipál ne’ebé formador sira sei partilla ba formandu sira mak hanesan Instrusaun atensaun (petunjuk); Instrusaun Adverténsia (Peringatan) no Instrusaun ezekusaun (Pelaksanaan).
Formador ba iha formasaun refere mak Laurentinho dos Reis no José Manuel Alves Calado.
Formasaun ne’e, direitamente loke husi diretór Sentru Formasau Carlos da Costa no akompaña husi Xefi Departamentu Sentru Formasaun, Celestina de Brito Matos, Xefi departamentu Preparasaun, Prevensaun no Mitigasaun Dezastre, Jaime Gonçalves dos Santos hamutuk ho Asesór sira.
Natu Soares (GREC-APC)