RAEOA, 8 Maiu 2024-Autoridade Protesaun Sivil (APC) Raeoa, Komandante Operasional Inspektur Xefe Polísia Herman Metan hamutuk ho Direktur Oxfam Jude Pereira hala’o Abertura ba Sosializasaun Programa Asaun Antisipatória Nivel Rejiaun Oe-Cusse Nian.
Programa sosializasaun ida ne’e lidera husi ajensia Internasionál (ONG) OXFAM no hetan partisipasaun másimu husi ajensia no parseiru sira hanesan APC, CVTL, BIFANO, AFFOS,MANEO, OPS, inklui lideransa komunitária.
Sosializasaun ne’e realiza iha salaun (ONG) BANO, Oe-Sono Oe-Cusse Villa.
Liuhusi sorumutu ida ne’e atu hasa’e koñesimentu ba membru (KJRD) husi rejiaun to’o sub-rejionál no preparasun antes hetan dezastre.
Direktúr OXFAM Jude Pereira hateten, sente triste iha tinan ida ne’e dezastre barak mosu husi inundasaun iha Timor-Leste ho nune sorumutu ida ne’e hakarak kaer liman ba malu ita servisu hamutuk hodi bele hamenus husi risku dezastre.
Komandante APC Inspektur Xefe Polisia Herman Metan hatutan, Autoridade Protesaun Sivil (APC) prontu apoiu tomak no kopera hamutuk ho parseiru sira hotu hodi servi ba komunidade sira ne’ebé afeita husi dezastre naturais.
Media APC-RAEOA.