Lautém, 08 Maiu 2024 – Autoridade Protesaun Sivil (APC) Munisípiu Lautém ohin liuhusi servisu Diresaun Nasional Jestaun Risku Dezastre ne’ebé lidera husi xefe ekipa Filomeno Bosco, halo asesmentu no entrega sasan emerjénsia hanesan ai-han no la’os ai-han’ ba vítima dezastre naturais xefe familia ida (1) iha Aldeia Oneraba, Suku Lacawa, Postu Administrativu Luro.
Dezastre ne’e akontese iha data; 04 Maiu 2024 kauza husi anin-bo’ot ba vítima afetadu, Paulino da Costa. Ohin liuhusi asesmentu husi ekipa servisu APC hamutuk Autoridade Lokal iha fatin akontesimentu hodi observa direita katak nivel estragus uma refere la prenxe kritériu tuir mata dalan ne’ebé iha, ho nune’e ekipa servisu APC entrega de’it sasan emerjénsia nian ba vítima afetadu ne’e.
Media APC Lautém.
.