Baucau,10 Maio 2024- Autoridade Protesaun Sivil Munisipiu Baucau kompostu husi funsionáriu Jestaun Risku Dezastre, Jestaun Rekursu, Corpo Bombeiros halo limpeja iha edifísiu Autoridade Protesaun Sivil Munisipiu Baucau hodi garante ambiente ne’ebé mo’os.
Entertantu iha loron hanesan Segundo Komandante Jose Cabral ho funsionáriu Jestaun Risku Dezastre fó apoiu emerjénsia ba vítima uma kain rua husi Postu Administrativu Quelicai, Sukou Maluru, Aldeia Loilubo-Uagua, vítima uma kain rua ne’e nia uma hetan estragus tamba rai halai kauza husi udan Boot.
Vítima uma kain 2 ne’e simu apoiu emerjénsia iha edifisiu Autoridade Protesaun Sivil Munisipiu Baucau, vítima uma kain 2 ne’e mós APC halo ona verifikasaun iha 7 Maiu 2024.
Aliya Guterres Media APC Baucau