Dili, 21 maiu 2024-Autoridadee Protesaun Sivíl (APC), liuhusi Xefe Seksaun Relasaun Externa (GREK-APC), Nelson Nunes Orleans iha konfénsia imprensa ba atualizasaun dadus dezastre hateten durante semana ida APC rejista uma kain 9 no ema hamutuk 40 afeitadu ba dezastre anin sobu no ahi han uma.
“Hahú hosi 13 to’o 21 maiu 2024 semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 9 mak hetan estragus,” relata Porta vós APC iha salaun konfénsia imprensa, Kaikoli, tersa feira ne’e.
Nia esplika haktuir, uma kain 9 ne’ebé afitadu ba dezastre hosi munisípiu 7 hanesan Bobonaro, Kovalima, Dili , Ermera, Lauten, Vikeke inklui RAEOA.
“Munisípiu Bobonaro (Ahi han uma 1), Munisípiu Kovalima (Anin sobu uma 1) Munisípiu Dili (Anin sobu uma 1), Munisípiu Ermera (Anin sobu uma 1 ), Munisípiu Lautem (anin sobu uma 1, ahi han uma 1) Munisípiu Vikeke (Anin sobu estragus uma 1) no Munisípiu RAEOA (Ahi han uma 2),” hakutir Xefe Seksaun-APC.
Entretantu, daudaun ne’e komandu munisípiu APC ho parseiru relevanta sira fó ona asisténsia emerjénsia hanesan hahan no la’os hahan no oras ne’e ba vítima sira no APC sei kontinua halo levantamentu dadus hirak ne’e.
Ferdy and Cipry (GREC-APC)