Maubisse, 24 Maiu 2024- Autoridade Protesaun Sivil(APC) liuhusi ekipa Gabinete Relasaun Externa no Komunikasaun (APC GREK) sensibiliza lei baze Protesaun Sivil ba lideránsa komunitária no komunidade no funsionáriu sira iha postu administrativu Maubisse, munisípiu Ainaro.
Intervensaun iha sesaun abertura ba sensibilizasaun lei baze protesaun sivíl reprezentante administradór posto Maubisse.
Representante Administradór postu Maubisse Claudino Mendonça iha abertura konsidera postu Maubisse hetan oportunidade ne’ebé di’ak simu informasaun liga ho lei baze protesaun sivíl, nune’e bele hatene hanesan koñesimentu di’ak hodi kontribui halo prevensaun no redusaun risku dezastre iha ida-idak ninia suku.
Nia hateten durante ne’e kada munisípiu estabelese ona APC ne’ebé mak fó apoiu ba postu no kada suku sira bainhira akontese dezastre ruma.
Fasilita sensibilizasaun Lei Autoridade Protesaun Sivíl iha munisípiu Ainaru Postu administrativu Maubisse, Chefe seksaun Externa Nelson Nunes De Orleans .
Fontes Informasaun Media GREC-APC