Manufahi, 24 Maio 2024 – Autoridade Protesaun Sivil (APC) Munisípiu fatin hat hanesan Aileu, Ainaro, Same, Suai, termina ona treinamentu primeiro socoro durante loron tolu ne’ebé hahú iha 22 Maio 2024 no remata 24 Maiu 2024 ohin ne’eb’e fasilita husi Cruz vermelha Timor Leste.
Iha enseramentu aktividade, komandante Bombeiros APC Suai Didi Alves Pereira ne’ebé reprezenta Komando APC COVALIMA iha intervensaun hato’o “agradese ba Parseiru Cruz vermelha Timor Leste ba realiza ona aktividade sira ne’e no rekomenda mós atu treinamentu ne’e labele para iha ne’e deit maibé tenki kontinua bebeik tamba primeiro socoro importante tebes ba ita ema wainhira atake husi dezastre ruma”,
Entretantu aktividade refere termina ho simulasaun ne’ebé halo kona-bá oinsa sokorista sira evakua no halo sokoru ba vítima barak.
Media APC Manufahi