Baucau, 24 Maiu 2024- Komandante Operasionál Autoridade Protesaun Sivil (APC) Munisípiu Baucau ho CVTL Munisipiu Baucau ensera formasaun primeiru Sokoru ne’eb’e hala’o durante loron 3 iha edifisiu CVTL Filial Munisípiu Baucau.
Antes ensera partisipante sira halo Simulasaun iha Villa Antiga Baucau, simulasaun ne’e fahe ba Grupo 3 mak hanesan, grupu triajen, ninia servisu halo observa no hare’e vítima ne’ebé kanek todan, kaman inklui mate.
Entertantu grupo evakuasaun, ninia servisu mak halo evakuasaun ba vítima sira ne’ebé kanek todan, kaman no mate hodi lori ba fatin evakuasaun.
3.Grupo saúde, ninia servisu maka foti dadus kona-bá kanek todan, kaman inklui mate.
Komandante Autoridade Protesaun Sivil Munisípiu Baucau Inspector Polisia Aleixo Ximenes iha enseramentu hato’o “ agradese ba Prezidenti CVTL Filial Munisipiu Baucau ho Kordenador CVTL ne’ebé prepara no planeia ona hodi fasilita formasaun ba funsionáriu APC husi Munisípiu 3 mak hanesan Munisipiu Baucau ,Vikeke no Lospalos.
Komandante APC ne’e mós agradese ba formadór sira no formandu sira ne’ebé ho pasensia durante loron 3 nia laran partisipa ona treinamentu, “ ida ne’e hanesan bukae ida ba ita tamba ita iha ona kuñesementu”.
Formasaun ne’e , ensera (taka) husi Prezidenti CVTL Filial Munisipiu Baucau Jose Pinto.
Aliya Guterres Media APC Baucau