Manufahi, 27 Maiu 2024-Autoridade Protesaun Sivil (APC) Munisipiu Manufahi Komando APC Manufahi Inspektur Polisia Nivio Celestino Jeronimo Baptista ba loron ohin orienta ekipa DNGRD nebe lidera husi xefe gabinete DNGRD Elezito da Costa Machado ho ekipa ba hala’o asesmentu iha Aldeia Devoain Suco Mahaquidan Posto Administrativo Alas ne’ebé uma kain hamutuk sia ( 9 ) mak afeita ba inundasaun. Tuir informasaun husi xefe Aldeia Devoain Jose Morais haktuir katak inundasaun refere akontese iha dia 21 Maiu 2024 oras tuku 02:00 madrugada no impaktu husi korente mota ne’ebé mai ho kapasidade maka’as hodi sulin no nalihun tama komunidade nia hela fatin.
Hafoin simu kontaktu husi Xefe Aldeia refere Komando APC hatun kedas orientasaun ba ekipa DNGRD ba halo asesmentu. Tuir planu iha loron sesta dia 31 Maiu 2024. APC sei hala’o distribuisaun materiál emerjénsia hanesan aihan no laos aihan ba vítima sira.
Media APC Manufahi.