Lautem, 29 Maiu 2024- Autoridade Protesaun Sivíl liu hosi Diretór Gabinete Relasaun Externa no Komunikasaun (APC-GREK), Cesario da Silva Marques partisipa iha atividade workshop Reflesaun Anuál ba Projetu Disaster Ready ka Prontu, Disaster, ne’ebé organiza hosi ajénsia sira hosi konsórsiu Australian Humanitarian Partnership (AHP) iha munisípiu Laútem.
Diretór Gabinete Relasaun Externa no Komunikasaun (APC-GREK), Cesario da Silva Marques ba jornalista sura hateten partisipasaun APC nian iha workshop ne’e hosi asiste no observa implementasaun projetu sira hosi ajénsia no ONG lokál liga ho dezastre nian.
“Ami-nia partisipasaun iha workshop tanba iha koperasaun di’ak ho ajensia nasional no internasional liuliu AHP ho razaun ita asina ona nota entendimentu ba implementasaun projetu sira, ho nunee
ami mai asiste no haree sira nia implemantasaun projetu lao oinsa,” esplika Diretór GREK.
Direjente ne’e hatete papel importente ida mak APC ho parseiru sira servisu hamutuk atu atende komunidade sira iha asuntu dezastre nian, ida nemak ita-nia objetivu.
Cipry GREC-APC