Ermera, 31 Maiu 2024- Autoridade Proteção Civil (APC) Munisípiu Ermera liuhusi Komandante Operasional Autoridade Protesaun Civil (APC) Munisipiu Ermera Insp. Xefe Polisia António da Costa Babo Simu Informasaun husi Komunidade kona-bá akontesimentu ai ne’ebé Tohar iha Postu Administrativu Railaku Munisipiu Ermera.
Informasaun husi Komunidade ba Komandante Operasional Autoridade Protesaun Civil (APC) Munisipiu Ermera insp. Xefe Polisia Antonio da Costa Babo Orienta Kedas Korpu Bombeiros Munisipiu Ermera ne’ebé lidera husi Xefe Brigada II Bombeiros Munisípiu Ermera Gil da Costa Barros ho ekipa Bombeiros Munisípiu Ermera ba kedas iha fatin akontesimentu hodi tesi ai ne’ebé tohar atu nune’e bele normaliza fila-fali movimentu públiku diresaun Dili, Gleno.
Xefe Brigada II Gil da Costa Barros Bombeiros Munisipiu Ermera nafatin apela ba komunidade sira hotu iha Munisipiu Ermera laran tomak atu nafatin antisipa tamba agora ne’e tempu udan ho anin.
Media APC Munisipiu Ermera.