Manufahi, 04 Juñu 2024 – Autoridade Protesaun Sivíl (APC) Munisipiu Manufahi lidera husi Segundo komandante Joni Da Costa Tilman Martins ohin hamutuk ho xefe gabinete DNGRD, xefe gabinete SMGDN Munisípiu Manufahi, Koordenadora CVTL filliál Manufahi ofisialmente apoiu emerjénsia ba família vítima inundasaun hamutuk 30 iha Munisípiu Manufahi. Família vítima sira mai husi Suku Betanu hamutuk 23 família, Suku Mahaquidan 4 família, Suku Taitudak família 3.
Entretantu iha prosesu ne’e marka mós PAMM Exelensia Luis Marcal da Costa tavares hodi entrega simbolikamente apoiu emerjénsia ne’ebé mak APC ho Servisu Dezastre Munisípiu Manufahi prepara ba vítima sira.
Iha intervensaun PAMM hato’o ba “família vítima sira katak apoiu ne’e laos folin bo’ot maibé ida ne’e mak estadu nia kbi’it oinsa bele hakman netik familia Sira hodi sustenta aihan família perante tempu badak nia laran “.
Media APC Manufahi