Lautem, 6 Juñu 2024 – Atividade ne’e ohin ba loron daruak ona, kooperasaun servisu di’ak entre instituisaun governu liuhusi servisu Autoridade Protesaun Sivíl (APC) Munisípiu Lautém ho parseirus Organizasaun Naun-Guvermentais (ONG’s) hanesan ONG’s Child Fund no Fraterna.
APC ne’ebé reprezenta husi Xefe Departamentu Diresaun Nasional Jestaun Risku Dezastre Mateus da Costa, ohin hamutuk Diretores ONG’s Child Fund no Fraterna hala’o monitorizasaun ne’e iha Suku Pairara, Postu Administrativu Lautém no Suku Bauro, Postu Administrativu Lospalos.
Atividade monitorizasaun refere ba implementasaun programa ba Redusaun Risku Dezastre, prezervasaun bee-matan inklui programa hakbi’it komunidade liuhusi atividade agrikola no kultiva.
Autoridade lokál husi suku rua ne’e fó agradese tebe-tebes ba governu liuhusi APC ne’ebé sempre apoiu malu no koopera di’ak ho ONG’s sira ba programa ne’ebé implementa ona iha nia suku laran.
Media APC Lautém.